సినిమా ఇండస్ట్రీలో వరుస విషాదాలు అభిమానులకి కంటిమీద కునుకు లేకుండా చేస్తున్నాయి. ఒక స్టార్ సెలబ్రిటీ మరణించారు అన్న విషాద ఛాయలు మరవకముందే మరొక స్టార్ సెలబ్రిటీ మరణిస్తూ ఉండడం ఫాన్స్ కు నిద్ర పట్టనివ్వడం లేదు . రీసెంట్గా టాలీవుడ్ సినీ ఇండస్ట్రీలో మరో విషాదం చోటుచేసుకుంది. టాలీవుడ్ ఇండస్ట్రీలో తనకంటూ ప్రత్యేక గుర్తింపు సంపాదించుకున్న తొట్టెంపూడి వేణు ఇంట తీవ్ర విషాదం నెలకొంది.
వేణు తండ్రి గారు తొట్టెంపూడి వెంకట సుబ్బారావు గారు ఈరోజు తెల్లవారుజామున మృతి చెందారు . 92 ఏళ్ల వయసులో ఆయన వయోభారం చేత పలు అనారోగ్య సమస్యల చేత బాధపడుతూ కన్నుమూసినట్లు తెలుస్తుంది . గత కొంతకాలంగా ఆయన ఆరోగ్యం బాగోలేదు . దీనికి ట్రీట్మెంట్ తీసుకుంటున్నారట . కానీ వయసు పైబడిపోవడంతో ఆరోగ్యం మరింత క్షీణించడంతో ట్రీట్మెంట్ కి సహకరించక ఆయన మృతి చెందినట్లు తెలుస్తుంది.
తొట్టెంపూడి వెంకటసుబ్బారావు ప్రొఫెసర్గా ఉద్యోగం చేసి రిటైర్ అయ్యారు . పొలిటికల్ , బిజినెస్ ఫ్యామిలీ గా తొట్టెంపూడి కుటుంబానికి మంచి పేరుంది. వేణు సినీ నటుడిగా కామెడీ హీరోగా క్యారెక్టర్ ఆర్టిస్ట్ గా మంచి పేరు సంపాదించుకున్నారు . హీరోగా అవకాశాలు తగ్గడంతో సినిమా ఇండస్ట్రీకి దూరమై ఫ్యామిలీ బిజినెస్ లు చూసుకుంటున్నారు తొట్టెంపూడి వేణు .
తొట్టెంపూడి వెంకట సుబ్బారావు భౌతిక కాయాన్ని సందర్శనా అనంతరం ఈరోజుమధ్యాహ్నం 12 గంటల 30 నిమిషాల సమయంలో జూబ్లీహిల్స్ మహాప్రస్థానంలో అంతక్రియలు నిర్వహించనున్నారు కుటుంబ సభ్యులు . వేణు తండ్రి మరణించాడు అన్న విషయం తెలుసుకున్న సినీ ప్రముఖులు ఆయనను పరామర్శిస్తున్నారు. ఆయన ఆత్మకు శాంతి చేకూరాలని సోషల్ మీడియా వేదికగా కామెంట్స్ చేస్తున్నారు..!!
