ఐకాన్ స్టార్ అల్లు అర్జున్ జాతీయ స్థాయిలో ఉత్తమ నటుడి అవార్డుకి ఎన్నికైన సంగతి తెలిసిందే. సుకుమార్ దర్శకత్వంలో బన్నీ నటించిన పుష్ప సినిమాలో నటనకు గాను ఈ అవార్డును అందుకోబోతున్నాడు. టాలీవుడ్ చరిత్రలో ఇప్పటివరకు ఈ అవార్డు ఒక కలలా ఉండేది. తెలుగు సినిమా పరిశ్రమ నుంచి ఈ పురస్కారం అందుకున్న తొలి నటుడుగా అల్లు అర్జున్ హిస్టరీ క్రియేట్ చేశాడు. ఇక జాతీయ అవార్డుల పురస్కారం రేపు అక్టోబర్ 17న ఢిల్లీలో జరగనుంది.
దీంతో జాతీయ అవార్డులు గెలుచుకున్న వారంతా ఇప్పుడు దేశ రాజధాని ఢిల్లీ బాట ప‌ట్టారు. ఈ క్రమంలోనే అల్లు అర్జున్ కూడా ఢిల్లీకి ప‌య‌న‌మ‌య్యాడు. బన్నీ సతీమణి అల్లు స్నేహారెడ్డి కూడా ఈ వేడుకకు వెళుతున్నారు. హైదరాబాద్ ఎయిర్పోర్ట్ నుంచి బన్నీ దంపతులు ఢిల్లీకి బయలుదేరిన ఫోటోలు ఇప్పుడు సోషల్ మీడియాలో వైరల్ గా మారాయి. ఈ ఫొటోలో బన్నీ భార్య స్నేహారెడ్డి భ‌ర్త చేతిలో చెయ్యేసి క‌ళ్ల‌కు గ్లాసెష్ పెట్టుకుని చాలా స్టైలీష్ లుక్‌లో క‌నిపిస్తోంది.
టాలీవుడ్ కి వస్తున్న మొదటి ఉత్తమ జాతీయ నటుడు అవార్డు కావడంతో ఈ పురస్కార వేడుక చూసేందుకు ప్రతి ఒక్కరు ఆసక్తి చూపిస్తున్నారు. ఇక ఢిల్లీలో జాతీయ అవార్డు అందుకుని హైదరాబాద్ తిరిగి వచ్చే అల్లు అర్జున్ కి భారీగా వెల్కమ్ పలికేందుకు అభిమానులు సన్నాహాలు చేస్తున్నారు. పుష్ప సినిమా సూపర్ హిట్ అయ్యాక ఇప్పుడు ఆ సినిమాకు సీక్వెల్ గా వస్తున్న పుష్ప ది రూల్ సినిమా కోసం దేశవ్యాప్తంగా ఉన్న సినీ ప్రేమికులు అందరూ ఎంతో ఆసక్తితో ఎదురుచూస్తున్నారు.
ఈ సినిమా వచ్చే ఏడాది చివర్లో ప్రేక్షకుల ముందుకు తీసుకురానున్నారు. ఈ సినిమా పూర్తి అయిన వెంటనే మాటల మంత్రి కూడా త్రివిక్రమ్ శ్రీనివాస్ – బన్నీ కాంబినేషన్లో తెర‌కెక్కే నాలుగో సినిమా కూడా సెట్స్ మీదకు వెళ్లనుంది.
