త‌న‌పై ఒక‌రు కాదు ఇద్ద‌రు కాదు ఏకంగా 139 మంది రేప్ చేశారంటూ ఓ మ‌హిళ పంజాగుట్ట పోలీస్ స్టేష‌న్లో ఏకంగా వంద పేజీల ఫిర్యాదు ఇచ్చిన విష‌యం రెండు తెలుగు రాష్ట్రాల్లోనూ క‌ల‌క‌లం రేపుతోన్న సంగ‌తి తెలిసిందే. ఈ కేసు విష‌య‌మై పోలీసులు కూడా సీరియ‌స్‌గా దర్యాప్తు చేస్తున్నారు. ఇక ఈ కేసు గురించి కొత్త విష‌యాలు కూడా బ‌య‌ట‌కు వ‌స్తున్నాయి. ఆ 139 మంది త‌న‌పై ఏకంగా 5000 సార్లు లైంగీక దాడికి పాల్ప‌డ్డారంటూ కూడా ఆ యువ‌తి త‌న ఫిర్యాదులో పేర్కొంది.
ఇక ఈ లిస్టులోనే యాంక‌ర్ మాచిరాజు ప్ర‌దీప్‌తో పాటు ప‌లువురు బ‌డా బాబులు ఉన్నార‌ట. ప్ర‌దీప్‌తో పాటు కొంద‌రు సినీ నిర్మాతలు, ఓ కెమెరామెన్‌, ఓ ప్ర‌ముఖ టీవీ ఛానెల్ రిపోర్ట‌ర్‌, ఓ మాజీ ఎంపీ, వాళ్ల పీఏతో పాటు ఓ ప్ర‌ముఖ డాక్ట‌ర్ కూడా ఉన్నాడంటూ ఆ యువ‌తి చెప్పిన‌ట్టు స‌మాచారం. దీంతో సంచ‌ల‌నంగా మారిన ఈ కేసును పోలీసులు సీసీఎస్‌కు బదిలీ చేశారు. దీంతో ఈ కేసుపై దర్యాప్తు ప్రారంభించినట్లు సీసీఎస్‌ జాయింట్‌ సీపీ అవినాశ్‌ మహంతి వెల్లడించారు
