గత కొన్ని రోజులుగా సోషల్ మీడియాలో టాలీవుడ్ స్టైలిష్ స్టార్ హీరోగా పేరు సంపాదించుకున్న అల్లు అర్జున్ .. హీరోయిన్ గా పేరు సంపాదించుకున్న శ్రీ లీల .. కలిసి ఆహాలో ప్రోగ్రాం చేయబోతున్నారు అంటూ ప్రచారం జరిగిన విషయం తెలిసిందే . తమదైన స్టైల్ లో ఇద్దరు టాప్ పొజిషన్లో దూసుకుపోతున్నారు . ఇలాంటి క్రమంలోనే తెలుగు ఓటీటీ ఆహా వీళ్ళిద్దరిని పెట్టి ఓ సరికొత్త గేమ్ చేయబోతుంది అంటూ ప్రచారం జరిగింది.
దీనికి తగ్గట్టే ఆహా కూడా వాళ్ళిద్దరూ పోస్టర్స్ కి సంబంధించి ఒక క్రేజీ లుక్ ను విడుదల చేసింది. ఈ లుక్ లో శ్రీలీల ఏకంగా బన్నీ సంకనెక్కి కూర్చోవడం హాట్ టాపిక్ గా ట్రెండ్ అయింది. అయితే అసలు వీళ్ళిద్దరూ కలిసి చేస్తుంది మూవీ నా..? వెబ్ సిరీసా..? లేక ప్రమోషన్సా..? అని అంత బుర్ర పీక్కున్నారు జనాలు. ఫైనల్లీ ఆ సీక్రెట్ రివీల్ చేసేసారు ఆహా మేకర్స్ . తాజాగా నేడు ఆ ఒరిజినల్ కంటెంట్ ఏంటో చెప్పేస్తూ వీడియోని రిలీజ్ చేసింది ఆహా.
ఈ వీడియోని చాలా ఎంటర్టైనింగ్గా తెరకెక్కించారు మాటల మాంత్రికుడు త్రివిక్రమ్ శ్రీనివాస్ రావు. ప్రస్తుతం ఈ వీడియో నెట్టింట వైరల్ గా మారింది . వరుస షోలు..సిరీస్ లతో దూసుకుపోతున్న క్రమంలో ఇలాంటి ఓ ప్రమోషన్ వీడియో ఇప్పుడు ఇండస్ట్రీలో సోషల్ మీడియాలో హాట్ టాపిక్ గా ట్రెండ్ అవుతుంది. అంతేకాదు త్వరలోనే ఆహా కేరళలో కూడా లాంచ్ అవ్వబోతున్నట్లు తెలుస్తుంది. అల్లు అర్జున్ కి కేరళలో భారీ క్రేజ్ ఉన్న సంగతి తెలిసిందే.
