టాలీవుడ్ స్టార్ హీరోల‌లో ఒక‌రైన యంగ్‌టైగ‌ర్ త్రిబుల్ ఆర్ సినిమా త‌ర్వాత మ‌రే సినిమా చేయ‌లేదు. ప్ర‌స్తుతం కొర‌టాల శివ ద‌ర్శ‌క‌త్వంలో భారీ మాస్ యాక్ష‌న్ డ్రామాతో కూడిన దేవ‌ర సినిమా తెర‌కెక్కిస్తున్నారు. యువ‌సుధా ఆర్ట్స్ – ఎన్టీఆర్ ఆర్ట్స్ సంస్థ‌లు సంయుక్తంగా నిర్మిస్తున్న ఈ సినిమా పాన్ ఇండియా రేంజ్‌లో రిలీజ్ అవుతోంది. ఈ సినిమాలో ఎన్టీఆర్‌కు జోడీగా జాన్వీక‌పూర్ హీరోయిన్‌గా న‌టిస్తోంది.
దేవ‌ర త‌ర్వాత ఎన్టీఆర్ నెక్ట్స్ లైన‌ప్ చాలా స్ట్రాంగ్‌గా ఉంది. ఈ సినిమా త‌ర్వాత ఎన్టీఆర్ బాలీవుడ్ కండ‌ల హీరో హృతిక్ రోష‌న్‌తో క‌లిసి వార్ 2 సినిమాలో న‌టిస్తాడు. వార్ 2 పూర్త‌యిన వెంట‌నే దేవ‌ర 2 సినిమా ఉంటుంది. దేవ‌ర‌కు సీక్వెల్‌గా దేవ‌ర 2 ఉంటుంది. ఈ లోగానే ప్ర‌శాంత్ నీల్ సినిమా ఉంటుంది. పాన్ ఇండియా రేంజ్‌లో వ‌స్తోన్న ఈ సినిమాపై భారీ ఎక్స్‌పెక్టేష‌న్స్ ఉన్నాయి.
మైత్రీ మూవీ మేక‌ర్స్ బ్యాన‌ర్‌పై ఈ సినిమా తెర‌కెక్కుతోంది. దేవ‌ర 1,2, అటు వార్ 2, ఇటు ప్ర‌శాంత్ నీల్ సినిమాలు అన్నీ కూడా పాన్ ఇండియా స్కేల్లోనే తెర‌కెక్కుతున్నాయి. ఈ క్ర‌మంలోనే ప్ర‌భాస్ క‌ల్కి సినిమా ద‌ర్శ‌కుడు నాగ్ అశ్విన్ కూడా ఎన్టీఆర్‌తో ఓ భారీ పాన్ ఇండియా సినిమా ప్లాన్ చేస్తున్నారు. ఏదేమైనా త్రిబుల్ ఆర్ సినిమాతో ఎన్టీఆర్‌కు వ‌చ్చిన ఇమేజ్‌ను పాన్ ఇండియా రేంజ్‌లో అలాగే కంటిన్యూ చేసేలా ఎన్టీఆర్ నెక్ట్స్ స్టెప్ ఉంది.
