యువ‌ర‌త్న నంద‌మూరి బ‌లయ్య ఫ్యాన్స్‌కు పండ‌గ లాంటి న్యూస్‌. ఇప్ప‌టి వ‌ర‌కు వెండితెర‌పై సింహంలా గ‌ర్జించే బాల‌య్య ఇప్పుడు బుల్లితెర‌పై కూడా సంద‌డి చేసేందుకు రెడీ అవుతున్నారు. ఆహా ఓటీటీ ప్లాట్ ఫాం లో ఓ టాక్ షో కోసం బాల‌య్య రంగంలోకి దిగుతున్నారు. విచిత్రం ఏంటంటే ఆహా మెగా ఫ్యామిలీ వెంచ‌ర్. అలాంటి వెంచ‌ర్‌లో బాల‌య్య టాక్ షో అంటే ఆస‌క్తిక‌ర‌మైన అంశ‌మే..! ఇక బాల‌య్య ఇంట‌ర్వ్యూలు ఎంత టిపిక‌ల్‌గా ఉంటాయో చెప్ప‌క్క‌ర్లేదు.
ఆయ‌న్ను ఏ ప్ర‌శ్న వేయాల‌న్నా చాలా ఆచితూచి అడగాలి.. అయితే ఇప్పుడు ఆయ‌న బుల్లితెర మీద‌కు రావ‌డం.. అది కూడా మెగా ఫ్యామిలీ వెంచ‌ర్‌గా ఉన్న ఆహా కోసం ఓ టాక్ షో చేయ‌డం కాస్త ఆశ్చర్చ‌క‌ర‌మే..! ఇక ఈ టాక్ షోకు బాల‌య్య కెరీర్‌లోనే మైల్‌స్టోన్ సినిమాగా నిలిచిన వందో సినిమా గౌతమీపుత్ర శాత‌క‌ర్ణి లాంటి బ్లాక్‌బ‌స్ట‌ర్ ఇచ్చిన క్రిష్ నేతృత్వం వ‌హిస్తార‌ని తెలుస్తోంది.
ఇక ఈ టాక్‌లో బాలీవుడ్ వాళ్ల‌కు అల‌వాటే.. అచ్చం సినిమా స్టైల్లోనే జ‌రుగుతూ ఉంటాయి. గ‌తంలో ఆహాలో వ‌చ్చిన ఓ టాక్ షోకు నందినీరెడ్డి ద‌ర్శ‌క‌త్వం వ‌హించారు. ఇక బాల‌య్య‌తో అనుబంధం ఉన్న ద‌ర్శ‌కుడు అయితేనే ఈ టాక్ షో బాగా డీల్ చేస్తార‌ని.. ఆహా ఆ బాధ్య‌త‌ను క్రిష్‌పై పెట్టింద‌ని అంటున్నారు. ఇక బాల‌య్య టాక్ షో తో నంద‌మూరి అభిమానులు పండ‌గ చేసుకునేందుకు రెడీగా ఉన్నారు.
