టాలీవుడ్ పాన్ ఇండియా స్టార్ ప్రభాస్ హీరోగా నటించిన లేటెస్ట్ సినిమా “సలార్” . సలార్ ఇప్ప‌టికే ప్ర‌పంచ వ్యాప్తంగా రు. 500 కోట్ల భారీ వసూళ్లు అందుకొని ఆదరగొడుతోంది. సంక్రాంతి వ‌ర‌కు ఈ సినిమా ప్రీ ర‌న్ దొర‌క‌డంతో సలార్ లాంగ్ ర‌న్‌లో మ‌రిన్ని వసూళ్లు సాధించ‌డంతో పాటు మ‌రిన్ని ఇండ‌స్ట్రీ రికార్డులు బ్రేక్ చేస్తుంద‌న్న అంచ‌నాలు అయితే ఉన్నాయి.
ఇక ప్రభాస్ నుంచి నెక్ట్స్ వ‌స్తోన్న సినిమా కల్కి 2898 AD. వ‌ర‌ల్డ్ క్లాస్ సినిమాగా వ‌స్తోన్న ఈ సినిమా టీజ‌ర్‌, ఫ‌స్ట్ లుక్ బ‌య‌ట‌కు రావ‌డంతో అంచ‌నాలు మామూలుగా లేవు. ఈ సినిమా నుంచి ప్రభాస్, దీపికా ప‌దుకొనేతో పాటు అమితాబ‌చ్చ‌న్‌పై కొన్ని లేటెస్ట్ పోస్టులు వైర‌ల్ అవుతున్నాయి. వీటిలో ప్రభాస్ కొత్త పోస్ట‌ర్ ఇప్పుడు మ‌రింత ఆస‌క్తిగా మారింది.
ఇందులో ప్రభాస్ ఓ సూపర్ హీరోగా ప్రభాస్ స్టన్నింగ్ లుక్ లో అదిరిపోయాడు. ప్రభాస్ మామూలు సూపర్ హీరోగా లేడు. దీంతో ఈ పోస్ట‌ర్లు ఇప్పుడు ఫ్యాన్స్‌లో మామూలుగా వైర‌ల్ కావ‌డం లేదు. వైజ‌యంతీ మూవీస్ ఈ సినిమాను భారీ బ‌డ్జెట్‌తో నిర్మిస్తోంది. సంతోష్ నారాయ‌ణ‌న్ సంగీతం అందిస్తున్నారు.
