ఇప్పుడు ఎక్కడ చూసినా సరే సినిమా ఇండస్ట్రీలో .. సోషల్ మీడియాలో ప్రభాస్ కల్కి సినిమాకి సంబంధించిన అప్డేట్స్ బాగా వైరల్ అవుతున్నాయి . నాగ్ అశ్వీన్ దర్శకత్వంలో ప్రభాస్ హీరోగా నటిస్తున్న సినిమా కల్కి . ఈ సినిమాకి సంబంధించి చిన్న అప్డేట్ రిలీజ్ అయినా సరే అభిమానులు ఓ రేంజ్ లో అల్లాడించేస్తున్నారు . ఈ సినిమా ప్రపంచవ్యాప్తంగా జూన్ 27వ తేదీ రిలీజ్ కాబోతుంది . కాగా ప్రభాస్ నటించిన కల్కి సినిమాకి సంబంధించి స్క్రాచ్ వీడియోస్ పేరిట కొన్ని అప్డేట్స్ రిలీజ్ చేస్తున్నారు నాగ్ అశ్వీన్.
ఈ క్రమంలోనే తాజాగా బుజ్జి అనే పాత్రను ఇంట్రడ్యూస్ చేశారు . కాగా బుజ్జి అంటే ఏమిటి అన్న ప్రశ్నలకు సమాధానం రీసెంట్గా దొరికేసింది . మన బాడీని మన బ్రెయిన్ ఎలా కంట్రోల్ చేస్తుందో..? బుజ్జిని కూడా ఒక బ్రెయిన్ అలాగే కంట్రోల్ చేస్తుంది. ఈ బుజ్జి కి వాయిస్ ఓవర్ ఇచ్చింది హీరోయిన్ కీర్తి సురేష్ . నాగ్ అశ్వీన్ దర్శకత్వంలో మహానటి సినిమాలో నటించిన కీర్తి సురేష్ అప్పటినుంచి ఆయనకు జాన్ జిగిడి దోస్త్ గా మారిపోయింది .
ఆ కారణంగానే ఈ పాత్ర కోసం కీర్తి సురేష్ వాయిస్ ఓవర్ ఇప్పించారట . అయితే డబ్బింగ్ విషయంలో మాత్రం కీర్తి సురేష్ కు చుక్కలు చూపించారట . ఒకటి కాదు రెండు కాదు ఏకంగా 50 సార్లు పైగానే కొన్ని వాయిస్ క్లిప్స్ సరిగ్గా లేవు అంటూ డబ్బింగ్ పదేపదే చెప్పించారట . అయినా సరే కీర్తి సురేష్ ఏమాత్రం విసుక్కోకుండా చాలా ఓపికగా నాగ్ అశ్వీన్ ఎలా అయితే కోరుకున్నాడో అలానే వాయిస్ ఓవర్ ఇచ్చిందట . దీనికి సంబంధించిన న్యూస్ ఇప్పుడు నెట్టింట వైరల్ గా మారింది. ప్రజెంట్ కీర్తి సురేష్ బాలీవుడ్ ఇండస్ట్రీలో బిజీ బిజీ హీరోయిన్గా మారిపోయింది . ఒకటి కాదు రెండు కాదు ఏకంగా మూడు సినిమాల్లో ఆఫర్ దక్కించుకుంది..!!
