అందాల తార భూమికా చావ్లా గురించి తెలుగు సినీ ప్రేక్ష‌కుల‌కు ప్ర‌త్యేకంగా ప‌రిచ‌యం అక్క‌ర్లేదు. ఆమె తెలుగులో క‌రుణాక‌ర‌న్ హీరోగా వ‌చ్చిన అక్కినేని మ‌న‌వ‌డు సుమంత్ కు జోడీగా యువ‌కుడు సినిమాతో హీరోయిన్‌గా ప‌రిచ‌యం అయ్యింది. అయితే ఆ సినిమా స‌క్సెస్ కాలేదు. దీంతో పవన్ క‌ళ్యాణ్ ఖుషి సినిమాలో ఆమెకు ఛాన్స్ వ‌చ్చింది. ఈ సినిమా సూప‌ర్ హిట్ అయ్యింది.
దీంతో భూమిక‌కు ఆ త‌ర్వాత తిరుగులేని క్రేజ్ వ‌చ్చేసింది. వెంట‌నే ఎన్టీఆర్, మహేష్, చిరంజీవి, వెంక‌టేష్ లాంటి స్టార్ హీరోల సినిమాల్లో వ‌రుస అవ‌కాశాలు వ‌చ్చాయి. ఇక ఖుషి సినిమాలో పవన్ – భూమిక మ‌ధ్య వ‌చ్చే న‌డుము సీన్ అయితే ఇప్ప‌ట‌కీ ఓ క్రేజీ సీన్. ఈ రోజు భూమిక పుట్టిన రోజు జ‌రుపుకుంటోంది. ఆమె 1978 ఆగ‌స్టు 21న జ‌న్మించారు. ఆమె వ‌య‌స్సు 45 సంవ‌త్స‌రాలు.
భూమిక‌కు టాలీవుడ్ లో ముగ్గురు క్రేజీ హీరోలు పవన్ – మహేష్ – ఎన్టీఆర్ ముగ్గురి కెరీర్‌కు ఓ లింక్ ఉంది. ఈ ముగ్గురు స్టార్ హీరోల కెరీర్‌లో 7వ సినిమాలుగా వ‌చ్చిన ఖుషి – ఒక్క‌డు – సింహాద్రి సినిమాల్లో ఆమె హీరోయిన్. అలా ఈ మూడు సినిమాల్లోనూ ఆమే హీరోయిన్ కావడం.. మూడు సూప‌ర్ హిట్లు అవ్వడంతో పాటు ఆ టైంలో ఇండ‌స్ట్రీ హిట్లు కావడం ఓ సెన్షేష‌న‌ల్ అని చెప్పాలి
