టాలీవుడ్ యంగ్ టైగర్ ఎన్టీఆర్ హోస్ట్ గా జెమినీ టీవీలో ఎవరు మీలో కోటీశ్వ‌రులు ప్రోగ్రామ్ వ‌స్తోంది. బిగ్‌బాస్ ఫ‌స్ట్ సీజ‌న్లో హోస్ట్‌గా సూపర్ హిట్ కొట్టిన ఎన్టీఆర్ ఇప్పుడు మీలో ఎవరు కోటీశ్వ‌రుడు ప్రోగ్రామ్ చేస్తున్నారు. ఈ షో స‌క్సెస్ ఫుల్‌గా ర‌న్ అవుతూ జెమినీ టీవీని టీఆర్పీ రేటింగ్ ప‌రంగా ముందు నిల‌బెట్టేందుకు ప్ర‌య‌త్నిస్తోంది.
ఈ క్ర‌మంలోనే ఈ షోకు అప్పుడ‌ప్పుడు సెల‌బ్రిటీల‌ను తీసుకు వ‌స్తోన్న ఎన్టీఆర్ వారితో కూడా గేమ్ ఆడుతున్నారు. ఇప్ప‌టికే సమంత లాంటి స్టార్ హీరోయిన్లు కూడా ఈ షోకు వ‌చ్చారు. ఈ క్ర‌మంలోనే దీపావ‌ళి స్పెష‌ల్ ఎపిసోడ్‌గా టాలీవుడ్ టాప్ మ్యూజిక్ డైరెక్ట‌ర్స్ థ‌మ‌న్‌, దేవి శ్రీ ప్ర‌సాద్ వ‌చ్చారు. ఈ ముగ్గురి షో అదిరిపోయే ఎంట‌ర్టైన్‌మెంట్ ప్రేక్ష‌కుల‌కు ఇచ్చింది.
ఇప్ప‌టి వ‌ర‌కు ఏ ఎపిసోడ్ లేన‌ట్టుగా మూడు గంట‌ల పాటు ఈ షో సాగింది. ఈ ఎపిసోడ్‌లో కూడా కొన్ని ఫ‌న్నీ మూమెంట్స్ ఉన్నాయి. ఓ ప్ర‌శ్న‌కు ఆన్స‌ర్ కోసం థ‌మ‌న్‌- దేవిశ్రీ వీడియో కాల్ ఆప్ష‌న్ తీసుకున్నారు. ఆ ఆప్ష‌న్‌లో త‌మకు ఎదురుగా ఉన్న నెంబ‌ర్ల‌లో ఎన్టీఆర్ నెంబ‌ర్ కూడా క‌నిపిస్తుంది. కంప్యూట‌ర్‌ను ఎన్టీఆర్‌కు కాల్ క‌నెక్ట్ చేయ‌మంటే ఎన్టీఆర్ ఫోన్ స్విచ్ఛాప్ వ‌చ్చింది.
ఈ ఫ‌న్నీ సంఘ‌ట‌న ప్రేక్ష‌కుల‌కు న‌వ్వులు పూయించింది. ఓవ‌రాల్ గా ఈ ఎపిసోడ్ ప్రేక్ష‌కుల‌కు మంచి ఎంట‌ర్టైన్‌మెంట్ ఇచ్చింది. ఇక థ‌మ‌న్‌, దేవిశ్రీ ఇద్ద‌రూ కూడా ఇప్పుడు వ‌రుస పెట్టి టాప్ హీరోల సినిమాల‌కు మ్యూజిక్ ఇస్తూ దూసుకు పోతున్నారు.
