‘ జైల‌ర్‌ ‘ ఫ‌స్ట్ రివ్యూ.. చాన్నాళ్ల త‌ర్వాత ర‌జ‌నీ సినిమాకు ‘ న‌ర‌సింహా ‘ రేంజ్ టాక్‌

కోలీవుడ్ వన్ అండ్ ఓన్లీ వన్ సూపర్ వన్ సూపర్ స్టార్ రజినీకాంత్ ఈ వ‌య‌స్సులో కూడా ఏ మాత్రం గ్యాప్ లేకుండా వ‌రుస పెట్టి సినిమాలు చేసుకుంటూ వెళుతున్నారు. తాజాగా ర‌జ‌నీ ఈ నెల 10న జైల‌ర్ సినిమాతో ప్రేక్ష‌కుల ముందుకు వ‌చ్చేందుకు రెడీ అవుతున్నారు. విజ‌య్‌తో బీస్ట్ లాంటి ప్లాప్ సినిమా తెర‌కెక్కించిన డైరెక్ట‌ర్ నెల్సన్ దిలీప్ కుమార్ చాలా క‌సితో ఈ జైల‌ర్ సినిమాను తెర‌కెక్కించారు.

ర‌జ‌నీకాంత్‌కు జోడీగా మిల్కీబ్యూటీ త‌మ‌న్నా హీరోయిన్‌గా న‌టించింది. భారీ అంచ‌నాల‌తో వ‌స్తోన్న జైల‌ర్ సినిమా రిలీజ్ కోసం ఫ్యాన్స్ చాలా ఎగ్జైటెడ్ గా ఉన్నారు. అనిరుధ్ అందించిన మ్యూజిక్‌తో పాటు టీజ‌ర్లు, ట్రైల‌ర్లు హోరెత్తిస్తున్నాయి. అయితే తాజాగా ఈ సినిమాపై మ్యూజిక్ డైరెక్టర్ అనిరుద్ లేటెస్ట్‌గా పెట్టిన పోస్ట్ ఓ రేంజ్‌లో వైర‌ల్ అవుతోంది.

జైల‌ర్ సూపర్ హిట్ అంటూ అనిరుధ్ పెట్టిన ట్వీట్ ఇప్పుడు సోష‌ల్ మీడియాను షేక్ చేస్తోంది. త‌మిళ సినీ ట్రాకర్స్ అయితే జైలర్ సినిమాకు అనిరుధ్ ట్వీట్‌ను ఫ‌స్ట్ రివ్యూగా పరిగణిస్తున్నారు. గ‌తంలో అనిరుధ్ ఎన్నో పెద్ద స్టార్ కాస్టింగ్ సినిమాల‌కు మ్యూజిక్ ఇచ్చినా ఎప్పుడు ఇలాంటి ట్వీట్లు వేయ‌లేదు. ఫ‌స్ట్ టైం జైల‌ర్ సినిమాకు ఇలా ట్వీట్ వేయ‌డంతో సినిమా మొత్తానికి ఏదో సెన్షేష‌న్ క్రియేట్ చేయ‌బోతోంద‌న్న చ‌ర్చ‌లు అయితే స్టార్ట్ అయ్యాయి.

కొంద‌రు అయితే ర‌జ‌నీకి న‌ర‌సింహా రేంజ్ హిట్.. ఆ స్థాయిలో ఫ్యామిలీ ఎమోష‌న్లు, యాక్షన్ ఉన్న సినిమాగా జైల‌ర్ ఉండ‌బోతోంద‌ని అంటున్నారు.