పవర్ స్టార్ పవన్, కండల వీరుడు రానా ప్రస్తుతం అయ్యప్పనుం అనే రీమేక్ మూవీ చేస్తున్న విషయం తెలిసిందే. సితార ఎంటర్టైన్మెంట్స్ బ్యానర్ పై తెరకెక్కుతున్న ఈ సినిమాలో పవన్, భీమ్లా నాయక్ అనే పవర్ఫుల్ పోలీస్ అధికారిగా నటిస్తున్నాడు. మాస్ లో సాలిడ్ అంచనాలు నెలకొల్పుకున్న ఈ చిత్రంలో దగ్గుబాటి రానా కూడా కీలక పాత్ర పోషిస్తున్నాడు. అయితే మాస్ లో ఈ చిత్రంకి భారీ హైప్ కూడా ఇప్పుడు నెలకొంది.
ఈ మూవీకి సంబంధించి ఎప్పటికప్పుడు అప్ డేట్స్ విడుదల చేస్తూ చిత్ర యూనిట్ ట్రెండింగ్ లో ఉంచేందుకు ట్రై చేస్తోంది. ఈ చిత్రం కి సంబంధించిన టైటిల్ సాంగ్ ను చిత్ర యూనిట్ పవన్ కళ్యాణ్ పుట్టిన రోజు సందర్భంగా సెప్టెంబర్ 2 వ తేదీన విడుదల చేయడం జరిగింది. మాస్ ప్రేక్షకుల్ని ఊపు ఊపేస్తోన్న ఈ పాటను రామజోగయ్య శాస్త్రి రచించారు. ఆయన లిరిక్స్కు తమన్ మ్యూజిక్ పెద్ద ప్లస్. “ఇరగదీసే ఇది ఫైరు సల్లగుండ, ఖాకీ డ్రెస్సు పక్కనెడితే ఈడే పెద్ద గూండా” వంటి పవర్ఫుల్ లిరిక్స్తో ఈ పాట ఆద్యంతం ఆకట్టుకుంటోంది సోషల్ మీడియాలో ఈ పాట సెన్సేషన్ క్రియేట్ చేస్తుంది.
తాజాగా ఈ పాట అరుదైన ఫీట్ సాధించింది. టాలీవుడ్‌లో అత్యంత వేగంగా 1 మిలియన్ లైక్స్ సాధించిన పాటగా ఈ సాంగ్ రికార్డు నెలకొల్పింది. ఈ విషయాన్ని తెలిపిన చిత్ర నిర్మాణ సంస్థ.. ‘భీమ్లా నాయక్’ నుంచి మరో పవర్ఫుల్ పోస్టర్ రిలీజ్ చేసి పవన్ అభిమానులను హుషారెత్తించింది.
