గత యేడాది బిగ్‌బాస్ సీజ‌న్లో లేడీ కంటెస్టెంట్ హిమజ హౌస్‌లో చేసిన అల్ల‌రి అంతా ఇంతా కాదు. ఉన్న‌ది ఉన్న‌ట్టు కుండ‌బ‌ద్ద‌లు కొట్టేయ‌డంలో హిమజ ఎప్పుడూ ముందు ఉండేది. అయితే హిమజ హౌస్‌లో ఎక్కువుగా రాహుల్ సిప్లిగంజ్ – పున‌ర్న‌వి భూపాలం జంట‌నే ఎక్కువుగా టార్గెట్ చేసేది. పున‌ర్న‌వి కంటే హిమజ ముందే హౌస్ నుంచి ఎలిమినేట్ అయ్యింది. ఆ త‌ర్వాత పున‌ర్న‌వి ఎలిమినేట్ అయ్యాక హిమజ నానా ర‌చ్చ ర‌చ్చ చేయ‌డంతో పాటు డ్యాన్సులు వేసిన వీడియో కూడా బాగా వైర‌ల్ అయ్యింది.
ఇక బిగ్‌బాస్‌తో వ‌చ్చిన క్రేజ్‌తో ఇప్పుడు హిమజ వెండితెర‌పై కూడా ల‌క్ ప‌రీక్షించుకోబోతోంది. ఆమె ఓ సినిమా చేస్తోంది. హ‌ర్ర‌ర్ నేప‌థ్యంలో తెర‌కెక్కే ఈ సినిమాకు జ అనే టైటిల్ పెట్టారు. ఇప్ప‌టికే ప‌లు సీరియ‌ల్స్‌తో పాటు సినిమాల్లో స‌పోర్టింగ్ రోల్స్ చేసిన హిమజ ఇప్పుడు సినిమాల్లో తొలిసారి లీడ్ రోల్ చేస్తోంది. ఈ సినిమాను జైదుర్గా ఆర్ట్స్ బ్యానర్‌పై గోవర్ధన్‌ రెడ్డి రూపొందిస్తున్నారు. సైదిరెడ్డి తెరకెక్కిస్తున్నారు.
ఇక తాజాగా రిలీజ్ అయిన ఫ‌స్ట్ లుక్ కూడా సినిమాపై ఆస‌క్తిని పెంచుతోంది. ఈ సినిమా టైటిలే విచిత్రంగా ఉంది. మ‌రి జ హిమజ సినీ కెరీర్‌ను ఎంత వ‌ర‌కు ట‌ర్న్ చేస్తుందో ? చూడాలి.
