Young tiger NTR’s tweet on Gautamiputra Satakarni trailer stood in the first position in the social media. This shows how audience are very curios on Babai-Abbai’s relation.
బాబాయి , అబ్బాయి లైనా నందమూరి బాలయ్య, యంగ్‌టైగర్ ఎన్టీఆర్‌లు ఒకే ఫ్రేములో కనిపించి చాలాకాలమే అయ్యింది. ఎప్పటినుంచైతే వీరిద్దరూ దూరంగా ఉన్నారో.. అప్పటినుంచి వీళ్ళు కలవాలని ఎందరో కోరుకుంటున్నారు. కేవలం నందమూరి అభిమానులే కాదు.. సాధారణ సినీజనాలు కూడా వీరిద్దరిని ఒకే ఫ్రేమ్‌లో చూడాలని ఆకాంక్షిస్తున్నారు. ఇందుకు నిదర్శనంగా.. తాజాగా నమోదైన రిజల్ట్‌నే తీసుకోవచ్చు. ఇంతకీ ఏ రిజల్ట్ అనుకుంటున్నారా! ఆ వివరాలు తెలియాలంటే.. మేటర్‌లోకి వెళ్ళాల్సిందే.
‘గౌతమీపుత్ర శాతకర్ణి’ ట్రైలర్ విడుదలైన తర్వాత ఎందరో సెలబ్రిటీలు, దిగ్గజాలు దాన్ని కొనియాడుతూ ట్వీట్ల వర్షం కురిపించారు. అయితే.. వాళ్లందరిలో తారక్ ఇచ్చిన రెస్పాన్సే అత్యంత ఆసక్తి రేకెత్తించింది. ట్రైలర్ అద్భుతంగా ఉందని, బాబాయ్ బెస్ట్ పెర్ఫార్మెన్స్ ఇచ్చాడని, బాలయ్యను ఇంతకుముందెన్నడూ లేని విధంగా చూపించినందుకు క్రిష్ టీంకు అభినందనలు అని ట్విటర్ వేదికగా తెలిపాడు. ఈ విధంగా బాలయ్య ట్రైలర్‌పై చాలాకాలం తర్వాత తారక్ ట్వీట్ చేయడంతో.. ఇది హాట్ టాపిక్ అయ్యింది. ఈ ట్వీట్ గురించి తెలుసుకున్న నందమూరి ఫ్యాన్స్, అభిమానులు ట్విటర్‌పై ఎగబడ్డారు.
ఇటు టాలీవుడ్, అటు బాలీవుడ్‌కి చెందిన దిగ్గజాలు ఈ ట్రైలర్‌ని కొనియాడుతూ ఎన్నో ట్వీట్లు చేసినా.. తారక్ ట్వీట్ మాత్రమే నందమూరి ఫ్యాన్స్‌లో ఆనందం నింపింది. ఇద్దరు ఒకే స్ర్కీన్‌పై ఎప్పుడెప్పుడు కనిపిస్తారా? అని ఆసక్తిగా ఎదురుచూస్తున్నారు. దీన్ని బట్టి.. బాబాయ్-అబ్బాయ్‌ సంబంధాలపై జనాలకు ఎంత ఆసక్తి ఉందో ర్థమవుతుంది.
