‘ ఉస్తాద్ భ‌గ‌త్‌సింగ్ ‘ కోసం ప‌వ‌న్‌కు షాకింగ్‌ రెమ్యున‌రేష‌న్… వామ్మో అన్ని కోట్లా…!

పవర్ స్టార్ పవన్ కళ్యాణ్ ప్ర‌స్తుతం మూడు సినిమాల‌లో న‌టిస్తున్నారు. ముందుగా హ‌రిహ‌ర వీర‌మ‌ల్లు ఆ త‌ర్వాత సుజిత్ ద‌ర్శ‌క‌త్వంలో ఓజీ సినిమాలు ముస్తాబు అవుతాయి. ఈ రెండు సినిమాల త‌ర్వాత హ‌రీష్ శంక‌ర్ డైరెక్ట్ చేసే ఉస్తాద్ భ‌గ‌త్‌సింగ్ సినిమాకు కాల్షీట్లు ఇస్తారు. ఈ సినిమాలో శ్రీలీల హీరోయిన్ కాగా.. రాక్‌స్టార్ దేవిశ్రీ ప్ర‌సాద్ సంగీతం అందిస్తున్నారు. మైత్రీ మూవీస్ వాళ్లు భారీ బ‌డ్జెట్‌తో ఈ సినిమాను తెర‌కెక్కించే ప్లాన్‌లో ఉన్నారు.దాదాపు మూడేళ్ల క్రిత‌మే ఈ సినిమాపై ఎనౌన్స్‌మెంట్ వ‌చ్చినా ప‌వ‌న్ బిజీ షెడ్యూల్ వ‌ల్ల ఈ సినిమా ఇంకా సెట్స్ మీద‌కు వెళ్ల‌లేదు. ఇక ఈ సినిమాలో న‌టిస్తోన్న ప‌వ‌న్‌కు మైత్రీ వాళ్లు షాకింగ్ రెమ్యున‌రేష‌న్ ఇస్తున్న‌ట్టుగా తెలుస్తోంది. పవన్ ఏకంగా 170 కోట్ల రెమ్యున‌రేష‌న్‌ అందుకున్నట్లు వార్తలు వస్తున్నాయి. ఇది నిజంగా క‌ళ్లు చెదిరే రెమ్యున‌రేష‌న్ అనుకోవాలి.ఓ రీజ‌న‌ల్ సినిమా కోసం ఇంత రెమ్యున‌రేష‌న్ ఇవ్వ‌డం అంటే మామూలు విష‌యం కాదు. ప‌వ‌న్ క్రేజ్‌.. స్టామినా ఎలాంటిదో చెప్పేందుకు ఇది నిద‌ర్శ‌నం. అన్నీ అనుకున్న‌ట్టు కుదిరితే ఈ సినిమా వ‌చ్చే యేడాది ప్రేక్ష‌కుల ముందుకు రావొచ్చు.