నటసింహం నందమూరి బాలకృష్ణ లేటెస్ట్ యాక్ష‌న్ మూవీ భగవంత్ కేసరి. ఈ ద‌స‌రా కానుక‌గా ఈ నెల 19న ఆడియన్స్ ముందుకి వచ్చి మంచి సక్సెస్ ఫుల్ టాక్ సొంతం చేసుకుంది. భగవంత్ కేసరి సినిమాలో బాల‌య్య‌కు జోడీగా కాజల్ అగర్వాల్ హీరోయిన్ గా నటించ‌గా.. యంగ్ క్రేజీ బ్యూటీ శ్రీలీల ఒక కీలక పాత్ర పోషించింది. బాలీవుడ్ సీనియ‌ర్ హీరో అర్జున్ రామ్ పాల్ విలన్ గా కనిపించారు.
ఇక షైన్ స్క్రీన్ బ్యాన‌ర్‌పై హ‌రీష్ పెద్ది, సాహు గార‌పాటి భారీ బ‌డ్జెట్‌తో సంయుక్తంగా ఈ సినిమాను నిర్మించారు. థమన్ సంగీతం అందించిన ఈ మూవీలో నేలకొండ భగవంత్ కేసరిగా బాలకృష్ణ పవర్ఫుల్ పెర్ఫార్మన్స్‌తో అద‌ర‌గొట్టేశారు. ఇక టాలీవుడ్‌లో అస‌లు అప‌జ‌యం అన్న‌దే లేకుండా దూసుకుపోతోన్న డైరెక్టర్ అనిల్ రావిపూడి అద్భుత టేకింగ్ కి ఆడియన్స్ నుంచి ప్ర‌శంస‌లు వ్య‌క్త‌మ‌వుతున్నాయి.
ఇక ఫ‌స్ట్ 4 రోజుల‌కు గాను భగవంత్ కేసరి మూవీ వరల్డ్ వైడ్ గా రూ. 106. 2 కోట్ల గ్రాస్ కలెక్షన్ సొంతం చేసుకుంది. ఇప్ప‌టికే ఈ సినిమా 60 % వ‌ర‌కు బ్రేక్ ఈవెన్ అయిన‌ట్టుగా తెలుస్తోంది. నైజాంలో ఇప్ప‌టికే రు. 10 కోట్ల‌కు ద‌గ్గ‌ర‌గా షేర్ రాబ‌ట్టిన‌ట్టు స‌మాచారం. ఈ సినిమాకు వరల్డ్ వైడ్‌గా రు. 100 కోట్ల రేంజ్‌లో ప్రి రిలీజ్ బిజినెస్ జ‌రిగింది. ఇక ఓవర్సీస్‌లో కూడా భగవంత్ కేసరి 1 మిలియ‌న్ మార్క్ క్రాస్ చేసేసింది.
మ‌రో రెండు రోజుల పాటు ద‌స‌రా సెల‌వులు ఉండ‌డంతో ఈ సినిమా సులువుగానే బ్రేక్ ఈవెన్ సాధిస్తుంద‌ని ట్రేడ్ వ‌ర్గాలు అంచ‌నా వేస్తున్నాయి. ఇక బాలయ్య త‌న త‌ర్వాత బాబి ద‌ర్శ‌క‌త్వంలో చేసే త‌న 109వ సినిమాలో న‌టిస్తోన్న సంగతి తెలిసిందే.
