ఇండస్ట్రీ లోకి ఎంట్రీ ఇవ్వగానే సరిపోదు గుర్తింపు తెచ్చుకోవాలంటే టాలెంట్ తో పాటు ల‌క్‌ కూడా ఉండాలి. ఇలాంటి ల‌క్‌తోనే ఇప్పుడు శ్రీలీల దూసుకుపోతుంది. క్రేజీ హీరోయిన్ శ్రీలీల వచ్చే నాలుగు నెలల్లో శ్రీలీల నటించిన నాలుగు సినిమాలు ధియేటర్లలోకి దిగుతున్నాయి. అక్టోబర్లో భగవంత్ కేసరి, నవంబర్లో ఆది కేశవ, డిసెంబర్లో ఎక్స్ ట్రా ఆర్డినరీ మ్యాన్ – జనవరిలో సంక్రాంతికి గుంటూరు కారం ఈ నాలుగు సినిమాలు కాకుండా ఆమె చేతులు డజను సినిమాలు ఉన్నాయి.
ప్రస్తుతం టాలీవుడ్ లో ఆమె పేరు మారుమోగిపోతుంది. చిన్న, హీరో పెద్ద హీరో అని తేడా లేకుండా అందరి సినిమాలలోనూ నటిస్తోంది. మహేష్ బాబు, పవన్ కళ్యాణ్ లాంటి స్టార్ హీరోల నుంచి నితిన్, రవితేజ లాంటి మిడిల్ రేంజ్ హీరోల వరకు అందరూ ఇప్పుడు శ్రీలీలతో జోడి కట్టేందుకు ఉత్సాహపడుతున్నారు. తమ సినిమాలో కచ్చితంగా శ్రీలీల ఉండాల్సిందే అని మరి పట్టుబడుతున్నారు. వరుసగా అవకాశాలు ఆఫర్లు వస్తూ ఉండడంతో పాటు టాలీవుడ్ లోనే తిరుగులేని క్రేజీ హీరోయిన్గా పేరు రావడంతో శ్రీలీల తన రెమ్యురేషన్ భారీగా పెంచేసింది.
ధమాకా సినిమాకు 30 లక్షల రేంజ్ లో రెమ్యూనరేషన్ తీసుకున్న శ్రీలీల ఆ తర్వాత కోటి రూపాయలు.. రెండు కోట్లు ఇప్పుడు ఏకంగా ఒక్కో సినిమాకు ఐదు కోట్లు డిమాండ్ చేస్తుంది అట. ఇటీవల పాన్ ఇండియా స్టార్ ప్రభాస్ స‌ర‌స‌న శ్రీలీల ఛాన్స్ కొట్టేసిందని వార్తలు వస్తున్నాయి. ప్రభాస్ కొత్త సినిమా కోసం మేక‌ర్లు ఆమెతో చర్చలు మొదలుపెట్టారు. అటువైపు పాన్ ఇండియా స్టార్ ప్రభాస్ పక్కన ఒక్క సినిమాలో నటిస్తే ఆమెకు పాన్ ఇండియా రేంజ్ లో ఎలాంటి గుర్తింపు వస్తుందో చెప్పక్కర్లేదు.
అయినా రెమ్యూనరేషన్ విషయంలో మాత్రం తాను ఏమాత్రం తగ్గని చెప్పేసిందట. ప్రభాస్ పక్కన నటించేందుకు ఆమె ఏకంగా ఐదు కోట్లు డిమాండ్ చేసిందట. అయినా శ్రీలీలకు ఉన్న క్రేజ్‌ దృష్టిలో పెట్టుకుని దర్శక నిర్మాతలు ఆమె అడిగినంత ఇచ్చేందుకు వెనుకాడ లేదని తెలుస్తోంది. సో మనం ప్రభాస్ – శ్రీలీల ఆన్ స్క్రీన్ కెమిస్ట్రీని తెరమీద చూసేందుకు రెడీ అవ్వాల్సిందే.
