టాలీవుడ్ సూపర్ స్టార్ మహేష్ బాబు ప్రస్తుతం మాటల మాంత్రికుడు త్రివిక్రమ్ శ్రీనివాస్ ద‌ర్శ‌క‌త్వంలో గుంటూరు కారం సినిమా చేస్తున్న సంగతి తెలిసిందే. ఈ సినిమా షూటింగ్ శ‌ర‌వేగంగా కంప్లీట్ అవుతుంది. వచ్చే సంక్రాంతి కనుక ఈ సినిమాను ప్రేక్షకుల ముందుకు తీసుకురానున్నారు. గుంటూరు కారం తర్వాత మహేష్ నుంచి మోస్ట్ అవైటెడ్ ప్రాజెక్ట్ రానున్న సంగతి తెలిసిందే.
దర్శకధీరుడు ఎస్ఎస్ రాజమౌళితో మహేష్ 29వ సినిమా లాక్ అయిన విషయం తెలిసిందే. అయితే ఇప్పుడు అదిరిపోయే ట్విస్ట్ వచ్చేసింది. రాజమౌళి సినిమా కంటే ముందే మహేష్ మరో సినిమా చేసే ఛాన్స్ ఉంది. ఈ సినిమా లాక్ అయినట్టు తెలుస్తోంది. వాస్తవానికి మహేష్ కెరియర్ లో 29వ సినిమా రాజమౌళి సినిమాగా తెరకెక్కాలి.
అయితే ఇప్పుడు రాజమౌళి సినిమా కంటే ముందే దర్శకుడు అనిల్ రావిపూడి తో మహేష్ తర్వాత సినిమా ఉండబోతుంది. రాజమౌళి – మహేష్ సినిమా కోసం కథ, ప్రీ ప్రొడక్షన్ పనుల కోసం మరింత టైం తీసుకోవాల్సి ఉందట. గుంటూరు కారం పూర్తయ్యాక మహేష్ ఆరు నెలలు ఖాళీగా ఉండాల్సి ఉంది.
ఈ లోపల అనిల్ రావిపూడి సినిమా చక చక పూర్తి చేసేస్తాడని తెలుస్తుంది. ఈ క్రేజీ ప్రాజెక్టుపై త్వరలోనే అధికారిక ప్రకటన రానుంది. గతంలో మహేష్ – అనిల్ కాంబినేషన్లో వచ్చిన సరిలేరు నీకెవ్వ‌రు సినిమా సూపర్ హిట్ అయిన సంగతి తెలిసిందే.
