టాలీవుడ్ యంగ్ టైగర్ జూనియర్ ఎన్టీఆర్ హీరోగా, కొరటాల శివ దర్శకత్వంలో పాన్ ఇండియా మూవీ రిలీజ్‌కు రెడీ అవుతోంది. ఎన్టీఆర్‌కు జోడిగా జాన్వీ కపూర్ హీరోయిన్గా నటిస్తోంది. ఈ సందర్భంగా మూవీ మేకర్స్ అదిరిపోయే అప్డేట్ ఇచ్చారు. పాన్ ఇండియా స్థాయిలో హిట్ కొట్టిన ఆర్ఆర్ఆర్ సినిమా తర్వాత ఎన్టీఆర్ నటిస్తున్న సినిమా కావడంతో ఈ సినిమాపై ప్రేక్షకుల్లో భారీ అంచనాలు ఉన్నాయి. గతంలో కొరటాల శివ, ఎన్టీఆర్ కాంబినేషన్లో వచ్చిన జనతా గ్యారేజ్ సూపర్ డూపర్ హిట్ అయింది. దీంతో దేవర సినిమా ఆ సినిమాను మించి ఉంటుందని ఎన్టీఆర్ అభిమానులు భావిస్తున్నారు.
కొత్త సంవత్సరం కనుక దేవర నుంచి అదిరిపోయే అప్డేట్ ఉంటుందని.. ఈ మూవీ టీం సోషల్ మీడియా వేదికగా వెల్లడించారు. దీంతో నూతన సంవత్సరం కానుకగా సర్ప్రైజ్ ఇస్తూ గ్లింప్స్ కానీ, ప్రోమో కాని రిలీజ్ చేస్తారని అందరూ భావించారు. కానీ అలా జరగలేదు. దేవర టీమ్ అందికీ అదిరిపోయే షాక్ ఇచ్చింది. మరో పోస్టర్తో సరిపెట్టింది. అయితే ఈ పోస్టర్‌లో ఎన్టీఆర్‌లుక్‌ పూర్తిగా రివీల్ చేశారు. దేవర నుంచి ఇప్పటివరకు వచ్చిన అప్డేట్‌లలో అదొక్కటే మార్పు.
అయితే తాజా పోస్టర్తో గ్లింప్స్ తేదీని ప్రకటించారు. న్యూ ఇయర్ సందర్భంగా అందరికి శుభాకాంక్షలు చెప్పడంతో పాటు ఈనెల 8వ తేదీన గ్లింప్స్ వీడియో రిలీజ్ ఉంటుందని ప్రకటించారు. అలాగే ఈ సినిమాను సమ్మర్ కానుకగా ఏప్రిల్ 5న రిలీజ్ చేస్తున్నట్టు పాస్టర్‌లో మరోసారి క్లారిటీ ఇచ్చేశారు. తాజాగా రిలీజ్ చేసిన పోస్టర్‌లో ఎన్టీఆర్ సముద్రం మీద ఓడల నుంచి టక్ చేసుకుని చాలా పవర్ ఫుల్ గా యుద్ధానికి వెళుతున్నట్టుగా ఉంది. ఏది ఏమైనా పోస్టర్తో అంచనాలు అయితే మరింత పెరిగినట్టే చెప్పాలి.
