ఎస్. వి. కృష్ణారెడ్డి..తెలుగులో కంప్లీట్ గా ఫ్యామిలీ ఆడియన్స్ కోసమే సినిమాలు తీసి సక్సెస్ అయిన దర్శకుడు. జగపతి బాబు, ఆలీ లాంటి వారికి స్టార్ డం తీసుకొచ్చిన దర్శకుడు. ఒక దశలో ఆయన సినిమాల కోసం ప్రేక్షకులు ఎంతగానో ఎదురుచూశారు. రచయితగా, సంగీత దర్శకుడుగా, నటుడుగా చిత్ర పరిశ్రమలో ఆయనకంటూ ఓ ప్రత్యేకమైన స్థానాన్ని సంపాదించుకున్నారు.
కొబ్బరి బోండాం సినిమాకి రచన, స్క్రీన్ ప్లే అందించారు. ఆ తర్వాత ఆయన దర్శకత్వంలో వచ్చిన మొదటి సినిమా రాజేంద్రుడు గజేంద్రుడు మంచి విజయాన్ని అందికుంది. దాంతో వెనక్కి తిరిగి చూసుకోవాల్సిన అవసరం రాలేదు. కె అచ్చిరెడ్డితో కలిసి ఎస్. వి. కృష్ణారెడ్డి ఎన్నో బ్లాక్ బస్టర్ చిత్రాలకి దర్శకత్వం వహిస్తూ నిర్మించారు. యమలీల, ఘటోత్కచుడు, వినోదం, నంబర్ 1, మాయలోడు, ఎగిరే పావురమా, పెళ్ళాం ఊరెళితే, శుభలగ్నం..ఇలాంటి ఎన్నో బ్లాక్ బస్టర్ ఆయన పేరు చెప్తే ఫ్యామిలీ ఆడియన్స్ కి గుర్తొస్తాయి.
ఇలాంటి దర్శకుడితో పక్కా మాస్ ఇమేజ్ ఉన్న మెగాస్టార్ చిరంజీవి సినిమా చేశారా..? అంటే ..అది కార్య రూపం దాల్చాల్సింది కానీ, పలు కారణాల వల్ల ఆగిపోయిందని చెప్పాలి. ఎస్. వి. కృష్ణారెడ్డి టాలెంట్ చూసి చిరంజీవి ఎంతగానో ఇంప్రెస్ అయ్యారు. దాంతో కలిసి ఓ సినిమా చేయాలని అనుకున్నారు. దీనికొసం ఎస్. వి. కృష్ణారెడ్డి రెండు కథలను కూడా తయారు చేసి చిరుకి చెప్పారు.
కానీ, 20 ఏళ్ల క్రితం అంత టెక్నాలజీ లేకపోవడంతో ఒక ఒకథ వర్కౌట్ అవలేదు. అలాగే, ఇంకో కథ కూడా టెక్నికల్ యాస్పెట్స్ సూటవకనే డ్రాపయ్యారట. ఆర్జీవీ, చిరంజీవి కాంబోలో సీ అశ్వనీదత్ ఒక సినిమాను మొదలు పెట్టి ఆపేశారు. ఆ సినిమా కోసం అప్పటికే పాటలను చిత్రీకరించారట. అవి ఉపయోగించుకొని కొత్త లైన్ చిరంజీవి కోసం తయారు చేయమని దత్తు గారు ఎస్. వి. కృష్ణారెడ్డి కి చెప్పారట. కానీ, అంత సాహసం చేయలేక ఎస్. వి. కృష్ణారెడ్డి ముందుకు వెళ్ళలేదని స్వయంగా చెప్పారు.
