టాలీవుడ్ సూపర్ స్టార్ మహేష్ బాబు ఇటు సినిమాల్లో హీరోగా న‌టిస్తుండ‌డంతో పాటు జీఎంబీ బ్యాన‌ర్‌పై ప‌లు సినిమాలు కూడా నిర్మిస్తున్నాడు. తాను న‌టించే సినిమాల నిర్మాణ భాగ‌స్వామిగా ఉన్న మహేష్.. ఇత‌ర హీరోలు నిర్మించే సినిమాల‌ను కూడా నిర్మిస్తున్నాడు. అడ‌వి శేష్ హీరోగా తెర‌కెక్కిన మేజ‌ర్ సినిమా నిర్మాత‌ల్లో మహేష్ కూడా ఒక‌రు. అలాగే మహేష్ హైద‌రాబాద్‌లో ప్ర‌తిష్టాత్మ‌కంగా AMB సినిమాస్ స్థాపించాడు.
ఏషియన్ మూవీస్ వాళ్ల‌తో క‌లిసి మహేష్ AMB సినిమాస్ స్థాపించి ఐదేళ్లు పూర్తయింది. ఈ మాల్ హైద‌రాబాద్‌కే త‌ల‌మానికంగా ఉంది. ఈ మాల్ క‌ట్ట‌క‌ముందు హైద‌రాబాద్‌లో ఎన్నో మాల్స్, మ‌ల్టీఫ్లెక్సులు వ‌చ్చాయి. త‌ర్వాత కూడా ఎన్నో మాల్స్ క‌డుతున్నారు. కానీ ఏఎంబీ మాల్ అంటే హైద‌రాబాద్‌లో ఓ క్రేజీ మాల్‌గా మారిపోయింది. పైగా ఎన్నో సినిమా ఫంక్ష‌న్లు అక్క‌డ జ‌రుగుతున్నాయి. ఇది మ‌న తెలుగోళ్ల‌కే గ‌ర్వ‌కార‌ణంగా నిలిచింది.
ఒక‌ప్పుడు హైద‌రాబాద్ సినిమా క్రేజ్ అంటే ఆర్టీసీ క్రాస్ రోడ్స్‌.. త‌ర్వాత అది కేపీహెచ్‌బీకి, అమీర్‌పేట‌కు మారింది. ఏఎంబీ మాల్ క‌ట్టాక ఇప్పుడు ఆ మాల్‌కే సినిమా క్రేజ్ మారింది. సినిమాల హ‌డావిడి అంతా అక్క‌డే జ‌రుగుతోంది. తాజాగా ఈ ఏఎంబీ మాల్ ఐదేళ్లు పూర్తి చేసుకున్న సంద‌ర్భంగా జ‌రిగిన ఫంక్ష‌న్‌కు ఏషియన్ సినిమాకి చెందిన సునీల్ నారంగ్ మరియు భరత్ నారంగ్ సహ యాజమాన్యం. ఐదేళ్ల వేడుకలకు నమ్రతా శిరోద్కర్, గౌతమ్ ఘట్టమనేని హాజరయ్యారు.
వీళ్ల‌తో పాటు సునీల్ నారంగ్, భరత్ నారంగ్, జాన్వీ నారంగ్ కూడా హాజరయ్యారు. ఈ వేడ‌క‌ల సంద‌ర్భంగా సినిమాస్ గుంటూరు కారం మెనూ మరియు ప్రత్యేక వార్షికోత్సవ కాంబోలను పరిచయం చేసింది. 5 సంవత్సరాల స్పెష‌ల్ లోగోను కూడా రిలీజ్ చేశారు. అలాగే సినీ ప్రియులకు కొన్ని బహుమతులు అందించారు.
