ప్రస్తుతం టాలీవుడ్ లో శ్రీలీల క్రేజ్ ఏ రేంజ్లో ? ఉందో చూస్తూనే ఉన్నాం. శ్రీలీల ఒక సినిమాలో నటిస్తోందంటే చాలు ఆ సినిమా ఫ్రీ రిలీజ్ బిజినెస్, నాన్ థియేట్రికల్ బిజినెస్ హాట్‌ కేకులా అమ్మడు పోతుంది. శ్రీలీల సినిమాలో ఉంటే చాలు తమకు పట్టిందల్లా బంగారం అవుతోందని దర్శక, నిర్మాతలు ఇటు హీరోలు కూడా ఫిక్స్ అయిపోయారు. అందుకే ఇప్పుడు మహేష్ బాబు, పవన్ కళ్యాణ్ లాంటి స్టార్ హీరోల నుంచి బాలయ్య లాంటి సీనియర్ హీరోలు మిడిల్ రేంజ్ హీరోల సినిమాలలో వరుసగా శ్రీ‌లీల‌కు ఛాన్సులు వస్తున్నాయి.
పెరుగుతున్న క్రేజ్‌తో పాటు వరుస ఆఫర్ల నేపథ్యంలో శ్రీలీల రెమ్యూనరేషన్ కూడా పెంచేసింది. తొలి సినిమా పెళ్లి సందడికి శ్రీ‌లీల‌కు రూ.20 లక్షల లోపు రెమ్యూనరేషన్ మాత్రమే ఇచ్చారు. మాస్ మ‌హ‌రాజ్ ర‌వితేజ‌తో ఆమె చేసిన రెండో సినిమా ధ‌మాకాకు అది రూ.30 లక్షలు దాటింది. ఇప్పుడు ఏకంగా బాలయ్య, మహేష్ బాబు, పవన్ కళ్యాణ్ లాంటి స్టార్ హీరోల సినిమాలలో ఛాన్సులు రావటంతో శ్రీలీల ఆడింది ఆట, పాడింది పాటగా ఉంది.
భగవంత్‌ కేసరి హిట్ అయ్యాక శ్రీలీల తన రెమ్యూనరేషన్ కోటిన్నరకు పెంచేసింది. ఇప్పుడు కొత్తగా స్టార్ హీరోల సినిమాలు ఒప్పుకోవాలంటే రెండు కోట్ల వరకు డిమాండ్ చేస్తుందని తెలుస్తోంది. ఒక్కో సినిమాకు ఆమె 45 నుంచి 50 రోజుల రేంజ్లో కాల్‌షీట్లు ఇస్తోంది. అంటే శ్రీలీల ఒక రోజు కాల్‌షీటు రేటు రూ.40 లక్షలకు పైగానే పలుకుతున్నట్టు తెలుస్తోంది.
అంటే స్టార్ హీరోల‌కు కూడా ఈ రేంజ్లో రెమ్యున‌రేష‌న్లు ఉండవేమో..! దీంతో శ్రీలీల మామూలు కాస్ట్‌లీ హీరోయిన్ కాదని టాలీవుడ్ జనాలు గుసగుసలాడుకుంటున్నారు. మరో రెండు మూడేళ్ల వరకు టాలీవుడ్ లో ఆమెకు అస్సలు తిరుగులేదని తెలుస్తోంది.
