టాలీవుడ్ నటసింహం నందమూరి బాలకృష్ణ హీరోగా అనిల్ రావిపూడి దర్శకత్వంలో తాజాగా తెరకెక్కిన సెన్సేషనల్ బ్లాక్‌బ‌స్ట‌ర్ భగవంత్ కేసరి. శ్రీలీల కీలక పాత్ర పోషించిన ఈ సినిమాలో కాజల్ అగర్వాల్ హీరోయిన్ గా నటించింది. బాలయ్య సినిమాలో కాజ‌ల్‌తో పాటు అటు శ్రీలీల ఇద్ద‌రూ ఫ‌స్ట్ టైం న‌టించారు. బాలయ్య వ‌రుస‌గా అఖండ, వీర‌సింహారెడ్డి లాంటి రెండు సూప‌ర్ హిట్ల‌తో ఉండ‌డంతో ఈ సినిమాపై రిలీజ్‌కు ముందు మామూలు అంచ‌నాలు లేవు.
ద‌స‌రా కానుక‌గా గ‌త నెల 19న థియేట‌ర్ల‌లోకి వ‌చ్చిన ఈ సినిమా సెన్షేష‌న‌ల్ విక్ట‌రీ సాధించింది. 40 రోజుల‌కు చేరువ అవుతోన్న ఈ సినిమా వ‌ర‌ల్డ్ వైడ్‌గా ఇప్ప‌టి వ‌ర‌కు రు. 140 కోట్ల గ్రాస్ వ‌సూళ్ల‌తో పాటు రు. 70 కోట్ల‌కు పైగా షేర్ రాబ‌ట్టింది. తాజాగా ఈ సినిమా ప్రముఖ ఓటిటి మాధ్యమం అమెజాన్ ప్రైమ్ ద్వారా ఓటిటి ఆడియన్స్ కు అందుబాటులోకి వ‌చ్చింది.
థియేట‌ర్ల‌లో అదిరిపోయే రెస్పాన్స్ సొంతం చేసుకున్న భగవంత్ కేసరి ఇప్పుడు ఓటీటీలోనూ దుమ్ము రేపుతోంది. అమెజాన్ ప్రైమ్ ఓటీటీలో భగవంత్ కేసరి బ్లాస్టింగ్ రెస్పాన్స్‌తో దూసుకుపోతూ ఇండియా వైడ్‌గా టాప్‌లో ట్రెండింగ్ అవుతోంది. షైన్ స్క్రీన్స్ సంస్థ పై సాహు గారపాటి, హరీష్ పెద్ది నిర్మించిన ఈ సినిమాకు థమన్ సంగీతం అందించారు.
