టాలీవుడ్ సీనియ‌ర్ హీరో, విక్టరీ వెంకటేష్ లేటెస్ట్ మూవీ సైంధవ్ పై ముందు నుంచి భారీ అంచ‌నాలు ఉన్నాయి. దీనికి త‌గ్గ‌ట్టుగానే ఈ రోజు టీజ‌ర్ వ‌చ్చాక ఒక్కొక్క‌రి ఫ్యీజులు ఎగిరిపోయాయి. అస‌లు టీజ‌ర్ మామూలు లెక్క లేదు. టీజ‌ర్ వ‌చ్చాక వెంకీ నుంచి చాలా యేళ్ల త‌ర్వాత అదిరిపోయే యాక్ష‌న్ థ్రిల్ల‌ర్ సినిమా చూడ‌బోతున్నాం అన్న‌ది అంద‌రిలోనూ క్లారిటీ వ‌చ్చేసింది.
ఇక డిసెంబ‌ర్ 22న సైంధవ్ థియేట‌ర్ల‌లోకి రావాల్సి ఉంది. బోయిన్‌ప‌ల్లి వెంక‌ట్ నిర్మించే ఈ సినిమాకు శైలేష్ కొల‌ను ద‌ర్శ‌కుడు. అయితే అదే రోజు స‌లార్ థియేట‌ర్ల‌లోకి దిగుతుండ‌డంతో సైంధ‌వ్‌ను సంక్రాంతికి వాయిదా వేశారు. అయితే సైంధవ్ జ‌న‌వ‌రి 13న థియేట‌ర్ల‌లోకి వ‌స్తోంది. ఈ సినిమా రిలీజ్‌కు ఒక రోజు ముందుగా జ‌న‌వ‌రి 12న గుంటూరు కారం థియేట‌ర్ల‌లోకి వ‌స్తోంది.
మ‌హేష్‌బాబు సినిమాతో సంక్రాంతికి బాక్సాఫీస్ క్లాసెష్‌పై వెంకీ స్పందించారు. అటు చిన్నోడు.. ఇటు పెద్దోడు సినిమాలు రెండూ సంక్రాంతికి వ‌చ్చి రెండు కూడా సూప‌ర్ హిట్లు కొట్ట‌డం ఖాయం అని అన్నారు. గ‌తంలో తామిద్ద‌రం క‌లిసి న‌టించిన సీత‌మ్మ‌వాకిట్లో సిరిమల్లెచెట్టు సంక్రాంతికి రిలీజ్ అయి సక్సెస్ కొట్టిన విషయం గుర్తు లేదా అంటూ వెంకీ సరదాగా ఆన్స‌ర్ ఇచ్చారు.
ఇక సైంధవ్ గురించి చెపుతూ ద‌ర్శ‌కుడు శైలేష్ ఈ సినిమా కోసం ఎంతో క‌ష్ట‌ప‌డ్డార‌ని.. అలాగే టీం అంతా ఎంతో శ్ర‌మించారంటూ త‌ప్ప‌కుండా సైంధవ్ అంద‌రి అంచ‌నాలు అందుకుంటుంద‌ని చెప్పారు.
