టాలీవుడ్ స్వీటీ బ్యూటీ అనుష్క చాలా లాంగ్ గ్యాప్ తర్వాత మిస్ శెట్టి మిస్టర్ పోలిశెట్టి సినిమాతో వెండితెరపై కనిపించింది. వయసులో తనకంటే చిన్నోడు అయినా నవీన్ పోలిశెట్టికి జంటగా అనుష్క నటించిన ఈ సినిమా బాక్సాఫీస్ దగ్గర మంచి హిట్ సినిమాగా నిలిచింది. ఈ సినిమాతో మంచి కమ్ బ్యాక్‌ అందుకున్న అనుష్క తన ఫ్యాన్స్ కి మంచి ట్రీట్ ఇచ్చింది. అనుష్కకు ఇంకా పెళ్లి కాలేదు.. దీంతో స్వీటీ నుంచి వచ్చే నెక్ట్స్‌ ప్రాజెక్ట్ ఏంటన్న ? దానిపై ఇప్పుడు అందరిలోనూ ఆసక్తి ఉంది.
లేటెస్ట్‌గా అనుష్క తర్వాత సినిమాలపై ఓ ఇంట్రెస్టింగ్ బజ్‌ వినిపిస్తోంది. మెగాస్టార్ చిరంజీవి 156వ సినిమాలో అనుష్కను ఓ హీరోయిన్గా ఎంపిక చేసినట్టు తెలుస్తోంది. గతంలో అనుష్క – చిరంజీవి కలిసి స్టాలిన్ సినిమాలో ఒక స్పెషల్ సాంగ్ లో కనిపించారు. ఇది ఇలా ఉంటే ఈ సినిమాతో పాటు మళ్ళీ అనుష్క ఓ లేడీ ఓరియంటెడ్ సినిమాలో కనిపించబోతుందని తెలుస్తోంది.
టాలీవుడ్‌కి చెందిన ఓ ప్రముఖ దర్శకుడు అనుష్క‌తో లేడీ ఓరియంటెడ్ సినిమా చేసేందుకు డిస్కషన్‌లు మొదలుపెట్టినట్టు తెలుస్తోంది. ఈ కథ కూడా అనుష్కకు బాగా నచ్చినట్టు సమాచారం. అన్నీ సెట్ అయితే మళ్లీ అరుంధతి, పంచాక్షరి సినిమాల తర్వాత ఓ మహిళా ప్రాధాన్యత ఉన్న సినిమాలో అనుష్క కనిపించబోతుందని చెప్పాలి. ఈ ఇంట్రెస్టింగ్ ప్రాజెక్టుపై పూర్తి వివరాలు త్వరలోనే రానున్నాయి.
