టాలీవుడ్ సూపర్ స్టార్ మహేష్ బాబు హీరోగా మాటల మంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కుతున్న లేటెస్ట్ మాస్ యాక్షన్ ఫ్యామిలీ ఎంటర్టైనర్ గుంటూరు కారం. ప్రస్తుతం ఈ సినిమా షూటింగ్ శ‌రవేగంగా జరుపుకుంటుంది. మీనాక్షి చౌదరి – శ్రీలీల హీరోయిన్లుగా నటిస్తున్న ఈ సినిమాను వచ్చే సంక్రాంతి కానుకగా జనవరి 12న ప్రేక్షకుల ముందుకు తీసుకురానున్నారు.
అటు ఆర్ ఆర్ ఆర్ సినిమా తర్వాత మెగా పవర్ స్టార్ రామ్ చరణ్ – స్టార్ డైరెక్టర్ శంకర్ దర్శకత్వంలో గేమ్ ఛేంజర్ సినిమాలో నటిస్తున్న సంగతి తెలిసిందే. కీయారా అద్వానీ హీరోయిన్గా నటిస్తున్న ఈ సినిమాను టాలీవుడ్ అగ్ర నిర్మాత దిల్ రాజు నిర్మిస్తున్నారు. ఈ సినిమా కూడా సంక్రాంతికి రిలీజ్ అనుకున్నా.. షూటింగ్ చాలా ఆలస్యం అవుతుండడంతో వచ్చే ఏడాది చివర్లో కానీ ప్రేక్షకులకు ముందుకు వచ్చేలా కనపడటం లేదు.
ఇది ఇలా ఉంటే ఈ రెండు సినిమాల ఫస్ట్ సింగిల్ టీజర్లు దసరా కానుకగా రిలీజ్ కానున్నాయి. దసరా రోజునే గుంటూరు కారం ఫస్ట్ సింగిల్… అటు గేమ్ ఛేంజర్ ఫస్ట్ సింగిల్ ను రిలీజ్ చేసేందుకు మేకర్స్ సన్నాహాలు చేస్తున్నారు. ఒకేరోజు మహేష్ – రామ్ చరణ్ సినిమాల ఫస్ట్ సింగిల్స్‌ రిలీజ్ అయితే సోషల్ మీడియాలో ఎవరి టీజర్ కు ఎక్కువ ? క్రేజ్ ఉంటుంది ఏ టీజర్ కు ఎక్కువ ? వ్యూస్ వస్తాయి అన్న పోటీ సహజంగానే ఉంటుంది.
అభిమానులు కూడా తమ హీరో టీజర్ పై చేయి సాధించింది అంటూ నానా హంగామా చేస్తారు. మరి ఈ ఇంట్రెస్టింగ్ ఫైట్ లో మహేష్ – రామ్ చరణ్‌ల‌లో ఎవరు ? పై చేయి సాధిస్తారో చూడాలి. ఎప్పటికే అభిమానులు మాత్రం తమ హీరోల ఫస్ట్ సింగిల్ టీజర్ల కోసం ఎంతో ఆసక్తితో ఎదురు చూస్తున్నారు.
