టాలీవుడ్ యంగ్ టైగర్ ఎన్టీఆర్ హీరోగా స్టార్ డైరెక్టర్ కొరటాల శివ దర్శకత్వంలో తెరకెక్కుతున్న సినిమా దేవర. ఆర్‌ఆర్ఆర్ లాంటి భారీ పాన్ ఇండియా హిట్ సినిమా తర్వాత ఎన్టీఆర్ లాంగ్ గ్యాప్ తీసుకుని కొరటాల శివతో దేవర సినిమా చేస్తున్నాడు. పాన్ ఇండియా సినిమాగా తెరకెక్కుతున్న దేవర రెండు పార్ట్‌లుగా రిలీజ్ అవుతుంది. తొలిపార్ట్‌ సమ్మర్ కానుకగా వచ్చేయేడాది ఏప్రిల్ 5న థియేటర్లలోకి రానుంది. ప్రస్తుతం దేవర సినిమా షూటింగ్ శ‌ర‌వేగంగా జరుగుతుంది.
ఈ సినిమాలో ఎన్టీఆర్‌కి జోడిగా బాలీవుడ్ బ్యూటీ జాన్వీ కపూర్ కథానాయకగా నటిస్తున్న సంగతి తెలిసిందే.
అయితే ఇప్పుడు జాన్వీకపూర్ పాత్ర పై ఇంట్రెస్టింగ్ అప్డేట్ బయటికి వచ్చింది. ఆమె పాత్ర చాలా కొత్తగా ఉంటుందని.. ఈ క్రమంలో వచ్చే సీన్లలో జాన్వి పాత్ర బాగా నెగిటివ్‌గా సాగుతుందని తెలుస్తోంది. ఆ పాత్ర అలా ఎందుకు ? నెగిటివ్‌గా మారింది అన్నది దేవర పార్ట్ 2 లో రివీల్ చేస్తారట.
ఈ సినిమాలో జాన్వీ కపూర్ మత్స్యకార కుటుంబంలో జన్మించిన మత్స్యకార అమ్మాయిగా కనిపించనుంది. ఎన్టీఆర్ పాత్రను అపార్థం చేసుకుని తమకు అన్యాయం చేశాడని భావించిన జాన్వీ.. ఎన్టీఆర్ పై పగబట్టి చంపాలని చూస్తుందట. అంత నెగిటివ్‌గా కొరటాల ఈ పాత్రను తీర్చిదిద్దినట్లు తెలుస్తోంది. ఈ సినిమా కోసం కొరటాల చాలా లెన్దీ షెడ్యూల్స్ ప్లాన్ చేస్తున్నాడు.
ఇక ఈ సినిమాలో ఎన్టీఆర్ లుక్‌ కూడా అదిరిపోతుంది. అందుకు తగ్గట్టుగానే తన పాత్ర కోసం డిఫరెంట్ మేకవర్ ట్రై చేస్తున్నాడు. ఈ సినిమా కోసం కొరటాల కూడా కసరత్తులు ప్రారంభించాడు. గ‌తంలో ఎన్టీఆర్ – కొరటాల కాంబినేషన్‌లో వచ్చిన జనతా గ్యారేజ్ సినిమా సూపర్ డూపర్ హిట్ అవడంతో.. దేవర సినిమాపై రోజురోజుకు అంచనాలు పెరుగుతున్నాయి.
