సౌతిండియా చిత్రసీమలో ప్రముఖ నటుడు అర్జున్ సర్జా కూతురు ఐశ్వర్య అర్జున్ పెళ్లికి బజాలు మోగాయని సమాచారం. అర్జున్ సర్జా తెలుగు, తమిళం, కన్నడ, మలయాళం సినిమాల్లో హీరోగా నటించి విపరీతమైన ఫ్యాన్ ఫాలోయింగ్‌ను సొంతం చేసుకున్నాడు. ప్రస్తుతం క్యారెక్టర్ రోల్స్‌లో నటిస్తూ ఇటీవలే లియో సినిమాలో నెగెటివ్ రోల్‌తో ప్రేక్షకులను మెప్పించాడు.
అర్జున్ కూతురు ఐశ్వర్య కూడా తమిళ సినీ రంగ ప్రవేశం చేసిన నటి. ఆమె చాలా అందంగా ఉంటుంది. ప్రతిభావంతురాలు, కానీ ఆమె తన కెరీర్‌లో పెద్దగా విజయాలు సాధించలేదు. ఆమెను హీరోయిన్‌గా పెట్టి ఓ సినిమా డైరెక్ట్ చేసి ఆమెకు సహాయం చేయాలని తండ్రి ప్రయత్నించాడు, కానీ అది బాక్సాఫీస్ వద్ద పెద్దగా ఆడలేదు. తెలుగు సినిమాలో ఆమెను విశ్వక్ సేన్ హీరోగా లాంచ్ చేయాలని, ఓపెనింగ్ వేడుకకు పవన్ కళ్యాణ్ ముఖ్య అతిథిగా రావాలని ప్లాన్ చేసాడు, కానీ సినిమా ఆగిపోయింది.
ఒకవేళ ఈ సినిమా షూటింగ్ పూర్తి చేసుకుని తెలుగులో రిలీజ్ అయినట్లయితే అది హిట్ అయ్యేదేమో. అంతే కాదు ఆమెకు తెలుగులో బాగా అవకాశాలు కూడా వచ్చి ఉండేవి. అర్జున్ సర్జా తన కూతురికి పెళ్లి చేసి సెటిల్ చేయాలని నిర్ణయించుకున్నాడు. తమిళ చిత్రసీమలో ప్రముఖ నటుడు, దర్శకుడు అయిన తంబి రామయ్య కుమారుడు ఉమాపతి రామయ్యలో ఆమెకు తగిన జోడి దొరికింది. ఐశ్వర్య, ఉమాపతి రెండేళ్లుగా ప్రేమించుకుంటున్నారు, వీరి పెళ్లికి కుటుంబ సభ్యులు అంగీకరించారు.
అయితే పెళ్లి చేసుకునే ముందు ఐశ్వర్య కొంత కాలం వెయిట్ చేసి ఇండస్ట్రీలో నిలదొక్కుకోవాలని భావించింది. ఈ మధ్య ఆమెకు పెద్దగా ఆఫర్లు, హిట్లు రాలేదు. కానీ సక్సెస్ కావాలని ఆమె బాగా తపన పడుతుంది. అందుకే పెళ్లి కూడా వాయిదా వేయాలని చూస్తోంది. పెళ్లి తర్వాత కూడా నటించవచ్చని ఐశ్వర్య తండ్రి అర్జున్ సర్జా ఆమెకు బంపర్ ఆఫర్ ఇచ్చాడట. అయితే అందుకు అర్జున్ సజ్జా ఓకే చెప్పడంతో ఆమె పెళ్లికి ఒప్పుకుంది.
ఐశ్వర్య ఇప్పడిదాకా మూడు సినిమాల్లో నటించింది. అవి ఆమెకు సక్సెస్ ను సాధించి పెట్టలేదు. మరి పెళ్లి అయిన తర్వాతైనా ఈ ముద్దుగుమ్మ అదృష్టం మారి కెరీర్ లో సక్సెస్ అవుతుందో చూడాలిక.
