టాలీవుడ్ స్టైలిష్ స్టార్ అల్లు అర్జున్ నటిస్తున్న తాజా సినిమా పుష్ప 2పై దేశవ్యాప్తంగా అన్ని భాషల సినీ అభిమానులతో పాటు ఇతర దేశాల సినీ అభిమానులలో కూడా భారీ స్థాయిలో అంచనాలు ఉన్నాయి. క్రియేటివ్ డైరెక్టర్ సుకుమార్ తెర‌కెక్కిస్తున్న ఈ మాస్ యాక్షన్ ఎంటర్టైనర్‌ను మైత్రి మూవీ మేకర్స్ బ్యానర్ పై నవీన్ ఎర్నేని – ఎలమంచిలి రవిశంకర్ భారీ స్థాయిలో నిర్మిస్తున్నారు.
రాక్ స్టార్ దేవిశ్రీప్రసాద్ సంగీతం అందిస్తున్న ఈ సినిమా షూటింగ్ శ‌ర‌వేగంగా జరుపుకుంటుంది. వచ్చే ఏడాది సమ్మ‌ర్ కానుకగా ఈ సినిమాను ప్రేక్షకుల ముందుకు తీసుకురానున్నారు. పుష్ప 1 ఎలాంటి అంచనాలు లేకుండా వచ్చి పాన్ ఇండియా రేంజ్ లో ఏకంగా అదరగొట్టేసింది. నార్త్ ఇండియాలో ఏకంగా ప్రమోషన్లు లేకుండానే రు. 100 కోట్ల కలెక్షన్లు కొల్లగొట్టింది.
తాజాగా ఈ సినిమాకు సంగీతం అందిస్తున్న దేవిశ్రీప్రసాద్ సోషల్ మీడియా లైవ్ లో పుష్ప 2 గురించి పలు ఇంట్రెస్టింగ్ విషయాలు వెల్లడించారు. పుష్ప 2 పార్ట్ వన్ మించిపోయేలా మరింత అద్భుతంగా దర్శకుడు సుకుమార్ తెరకెక్కిస్తున్నట్టు దేవిశ్రీ చెప్పాడు. అలాగే పుష్ప 2 లో వచ్చే ఒక భారీ యాక్షన్ స‌న్నివేశం అందర్నీ ఎంతో థ్రిల్‌కు గురి చేస్తుందని దేవిశ్రీ తెలిపాడు.
ఇంటర్వెల్ బ్యాంగ్‌ తో పాటు సెకండాఫ్ లో వచ్చే లారీల ఫైట్ అదిరిపోతుందన్న విషయం బయటకు వచ్చింది. ఈ సీనుకు సంబంధించిన ఫోటోలు కూడా సోషల్ మీడియాలో వైరల్ అవుతున్నాయి.
