టాలీవుడ్ యంగ్ హీరో రామ్ పోతినేని లేటెస్ట్ సినిమా స్కంధ. మాస్ డైరెక్టర్ బోయపాటి శ్రీను తెరకెక్కించిన ఈ సినిమాను జి స్టూడియోస్ – పవన్ కుమార్ సమర్పణలో శ్రీనివాస సిల్వర్ స్క్రీన్ బ్యానర్ పై చిట్టూరి శ్రీనివాస్ నిర్మించారు. ఈ సినిమాలో రామ్‌కు జోడిగా టాలీవుడ్ యంగ్ సెన్సేషన్ శ్రీలీలా హీరోయిన్ గా నటించింది. సాయి మంజరేకర్ – శ్రీకాంత్ – ప్రిన్స్ సిసిల్ – గౌతమి తదితరులు ఈ సినిమాలో కీలక పాత్రలలో నటించారు.
సెప్టెంబర్ 15న తెలుగుతో పాటు హిందీ, కన్నడ, మలయాళ భాషల్లో ఈ సినిమా భారీ ఎత్తున రిలీజ్ అవుతుంది. రీసెంట్గా నందమూరి బాలకృష్ణ స్కంధ సినిమా ట్రైలర్‌ను లాంఛ్‌ చేయడం.. ఈ ట్రైలర్ కు మంచి రెస్పాన్స్ రావడంతో సినిమాపై అంచనాలు మామూలుగా లేవు. రామ్ కెరీర్ లోనే అత్యధికంగా ఈ సినిమాకు ఫ్రీ రిలీజ్ బిజినెస్ జరుగుతున్నట్టు తెలుస్తోంది. మరోవైపు ఈ సినిమా టీం ప్రమోషన్లను వేగవంతం చేస్తుంది.
ఈ సినిమా నుంచి బ్యాక్ టు బ్యాక్ అప్డేట్లు ఇచ్చేందుకు రెడీ అవుతుంది. ఇక హీరో రామ్ – శ్రీలీల కాంబినేషన్లో వస్తున్న తొలి సినిమా ఇదే అని అందరూ అనుకుంటున్నారు. అయితే ఎవరికి తెలియని ఒక సీక్రెట్ ను శ్రీలీల బయటపెట్టింది. తాజాగా హైదరాబాదులో జరిగిన స్కంధ ట్రైలర్ లాంచ్ ఈవెంట్లో శ్రీలీల మాట్లాడుతూ అందరూ అనుకుంటున్నట్టు హీరో రామ్‌తో తనకు ఇది మొదటి సినిమా కాదు.. రెండో సినిమా అని చెప్పి ఆశ్చర్యపరిచింది.
రామ్ – కాజల్ కాంబినేషన్లో గణేష్ సినిమా వచ్చింది. ఈ సినిమాలో ఒక పిల్లల గుంపు ఉంటుంది. ఆ గుంపులో శ్రీలీల కూడా నటించింది అట. అప్పుడు రామ్ సినిమాలో పిల్లగా నటించిన శ్రీలీల ఇప్పుడు రామ్ పక్కన హీరోయిన్గా నటిస్తోంది.
