సినిమా ఇండస్ట్రీలో ప్రతి హీరో కూడా తమ ఎంటైర్ కెరీర్ లో ఎన్నో సూపర్ డూపర్ హిట్ సినిమాలలో నటిస్తూ ఉంటారు. అయితే ఎంత పెద్ద హీరోకు అయినా ఇండస్ట్రీ హిట్లు చాలా తక్కువగా వస్తూ ఉంటాయి. ప్రస్తుతం టాలీవుడ్‌ను శాసిస్తున్న స్టార్ హీరోలలో ఇండస్ట్రీ హిట్లు కొట్టిన హీరోలు ఎవరో ? చూద్దాం. ముందుగా సూపర్ స్టార్ మహేష్ బాబు పూరి జగన్నాథ్ దర్శకత్వంలో నటించిన పోకిరి సినిమాతో ఇండస్ట్రీ హిట్ కొట్టారు. అప్పటివరకు ఇంద్ర సినిమా పేరు మీద ఉన్న రికార్డులు బ్రేక్ చేస్తూ ఈ సినిమా సంచలన విజయం సాధించింది.
ఆ తర్వాత మహేష్ నటించిన శ్రీమంతుడు నాన్ బాహుబలి ఇండస్ట్రీ హిట్ కొట్టింది. మొత్తంగా మహేష్ బాబు రెండుసార్లు ఇండస్ట్రీ హిట్లు కొట్టాడు. ఇక పవర్ స్టార్ పవన్ కళ్యాణ్ ఖుషి సినిమా ఇండస్ట్రీ హిట్ కొట్టింది. చాలా ఏళ్ల తర్వాత పవన్ కు అత్తారింటికి దారేది సినిమా రూపంలో హిట్ రావడంతో పాటు ఇండస్ట్రీ హిట్ కూడా వచ్చింది. అలా పవన్ కళ్యాణ్ కూడా రెండుసార్లు ఇండస్ట్రీ హిట్లు కొట్టాడు.
ఇక మెగా పవర్ స్టార్ రామ్ చరణ్ తన కెరియర్లో మగధీర – రంగస్థలం సినిమాలతో రెండుసార్లు ఇండస్ట్రీ హిట్లు కొట్టాడు. ఇక యంగ్ రెబల్ స్టార్ ప్రభాస్ బ్యాక్ టు బ్యాక్ బాహుబలి సిరీస్ సినిమాలతో రెండుసార్లు ఇండస్ట్రీ హిట్లు కొట్టాడు. ప్రభాస్ చేసిన ఈ రెండు సినిమాలు పాన్ ఇండియా రేంజ్ లో సూపర్ సక్సెస్ సాధించాయి. ఇక అల్లు అర్జున్ త్రివిక్రమ్ శ్రీనివాస్ దర్శకత్వంలో నటించిన అలవైకుంఠపురంలో సినిమా ఇండస్ట్రీ హిట్ కొట్టింది.
ఈ సినిమా కూడా నాన్ బాహుబలి రికార్డులు క్రాస్ చేసింది. ఇక యంగ్ టైగర్ ఎన్టీఆర్ చిన్న వయసులోనే రాజమౌళి దర్శకత్వంలో వచ్చిన సింహాద్రి సినిమాతో ఇండస్ట్రీ హిట్ కొట్టగా.. ఆ తర్వాత త్రిబుల్ ఆర్ సినిమాతో నాన్ బాహుబలి రికార్డులు మరోసారి తన ఖాతాలో వేసుకుని రెండుసార్లు ఇండస్ట్రీ హిట్లు కొట్టారు.
