హాస్య బ్రహ్మ బ్రహ్మానందం ఇంట పెళ్లి బాజాలు మోగాయి. బ్రహ్మానందం రెండో కుమారుడు సిద్ధార్థ వివాహం శుక్రవారం అంగరంగ వైభవంగా జరిగింది. శ్రీ బూర వినయ్ కుమార్ – పద్మజ దంపతుల పుత్రిక ఐశ్వర్య మెడలో సిద్ధార్థ మూడు ముళ్ళు వేసి ఆమెతో ఏడడుగులు నడిచి ఆమెను తన భార్య‌గా స్వీకరించాడు. హైదరాబాదులోని గచ్చిబౌలి ఈరోజు జరిగిన ఈ పెళ్లి వేడుకకు పలువురు రాజకీయ, సినీ ప్రముఖులు విచ్చేసి నూతన వధూవరులను ఆశీర్వదించారు.
ఈ క్రమంలోనే బ్రహ్మానందం రెండో కోడలు బ్యాక్ గ్రౌండ్ ఏమిటి ? ఆమె ఎవరు ? అని సోషల్ మీడియాలో ఆరా తీస్తున్నారు. ఆమె పేరు ఐశ్వర్య. ప్రముఖ డాక్టర్ ఐవిఎఫ్ స్పెషలిస్ట్ పద్మజ వినయ్ కూతురు. ఐశ్వర్య కూడా డాక్టర్ విద్యను చదివింది. బ్రహ్మానందం డాక్టర్ను తన ఇంటి కోడలుగా తెచ్చుకున్నాడు అన్నమాట. ఎంగేజ్మెంట్ సమయంలో బ్రహ్మానందం కొత్తకోడలికి పెద్ద బంగారు నెక్లెస్‌ గిఫ్ట్ గా ఇచ్చారని తెలుస్తోంది.
ఇక బ్రహ్మానందం పెద్ద కుమారుడు రాజా గౌతమ్ తండ్రి బాటలో సినిమా రంగంలో నడుద్దామని ప్రయత్నించాడు. పల్లకిలో పెళ్లికూతురు – చారుశీల వంటి సినిమాలలో నటించాడు. అయితే ఈ రెండు సినిమాలు సక్సెస్ కాకపోవడంతో వ్యాపారం లోకి వెళ్లిపోయాడు. గౌతమ్ కు పెళ్లయి ఇద్దరు పిల్లలు కూడా ఉన్నారు. ఇక చిన్న కుమారుడు గౌతమ్ విదేశాల్లో విద్యను అభ్యసించి అక్కడే ఉద్యోగం చేస్తున్నాడు.
