చెన్నై చిన్నది సమంత మయోసైటీస్ నుంచి కోలుకున్నాక బ్యాక్ టు బ్యాక్ సినిమాలు చేస్తోంది. సమంత నటించిన శకుంతలం సినిమా తాజాగా ప్రేక్షకుల ముందుకు వచ్చింది. ఈ సినిమా డిజాస్టర్ అయ్యింది. సమంత ప్రమోషన్లలో ఎంత సింపతి గేమ్ ప్లే చేసినా కూడా కనీసం ఓపెనింగ్స్ కూడా రాలేదు. ప్రస్తుతం ఆమె కేరళలో విజయ్ దేవరకొండకు జోడిగా నటిస్తున్న ఖుషి సినిమా షూటింగ్లో ఉంది. ఈ క్రమంలోనే సమంత ఇప్పుడు సీటాడెల్‌ కోసం లండన్ వెళ్లిపోయింది.
రూసో బ్రదర్స్ నిర్మిస్తున్న ఈ సినిమా ఇండియన్ వెర్షన్‌కు తెలుగు ద్వయం రాజ్ – డీకే దర్శకత్వం వహిస్తున్నారు. బాలీవుడ్ హీరోయిన్ ప్రియాంక చోప్రా, హాలీవుడ్ నటుడు కలిసి హాలీవుడ్ సిటాడెల్లో నటించారు. ఇండియన్ వెర్షన్ లో సమంత – వరుణ్ ధావన్ కలిసి నటిస్తున్నారు. తాజాగా హాలీవుడ్ సిటాడెల్ ప్రీమియర్ షో ఈవెంట్ లండన్ లో జరిగింది. ఈ కార్యక్రమంలో ప్రియాంక, రీచ‌ర్డ్‌తో పాటు సమంత – వరుణ్ ధావన్ పాల్గొన్నారు
సమంత బ్లాక్ డ్రెస్‌లో డైమండ్ నెక్లెస్ పెట్టుకొని సరికొత్త స్టైల్ లో దర్శనమిచ్చింది. ఇప్పటివరకు ఈ డ్రెస్ లో ఆమెను మనం చూడలేదు. ఈ ఫోటోలను తన ఇన్‌స్టాగ్రామ్‌ ఖాతాలో షేర్ చేయగా.. పలువురు సెలబ్రిటీలు, ఆమె అభిమానులు వావ్ అంటూ కామెంట్లు చేస్తున్నారు. వెంకటేష్ కూతురు అశ్రిత సైతం సామ్ లుక్స్ కి స్ట‌న్నింగ్‌ అంటూ రిప్లై ఇచ్చింది. ఇప్పుడు ఈ ఫోటోలు సోషల్ మీడియాను ఒక రేంజ్‌లో షేక్ చేస్తున్నాయి.
