కొన్ని సినిమాలు ఎలాంటి అంచనాలు లేకుండా ప్రేక్ష‌కుల ముందుకు వ‌చ్చి బ్లాక్ బ‌స్ట‌ర్ లు అవుతుంటాయి. అలాంటి సినిమానే కాంతార… నిజానికి క‌న్న‌డ సినిమా అయినా తెలుగుతో పాటూ ఇత‌ర భాష‌ల్లోనూ కాంతార బ్లాక్ బ‌స్ట‌ర్ టాక్ ను సొంతం చేసుకుంది. తెలుగులో రు. 50 కోట్ల వ‌సూళ్లు దాటేసిన కాంతారా.. హిందీలో రు. 80 కోట్ల వ‌సూళ్లు దాటేసి.. ఇప్ప‌ట‌కీ రోజుకు రు. 1 కోటి గ్రాస్ వ‌సూలు చేస్తోంది.
ఈ సినిమాలో హీరోగా రిషబ్ శెట్టి న‌టించారు.
అంతేకాకుండా ఈ సినిమాకు రిషబ్ శెట్టి ద‌ర్శ‌క‌త్వం వ‌హించారు. ఈ సినిమాతో రిషబ్ శెట్టి హీరో, డైరెక్ట‌ర్‌గా త‌న టాలెంట్ ప్రూవ్ చేసుకున్నాడు. అయితే ఈ సినిమా కంటే ముందే రిషబ్ శెట్టి డైరెక్ట‌ర్ గా మంచి గుర్తింపు తెచ్చుకున్నాడు. ర‌క్షిత్ శెట్టి – ర‌ష్మిక మంద‌న్న హీరో, హీరోయిన్లుగా న‌టించిన సూప‌ర్ హిట్ సినిమా కిరిక్ పార్టి సినిమాను ర‌క్షిత్ శెట్టినే తెర‌కెక్కించాడు. ఈ సినిమా విజ‌యంతో డైరెక్ట‌ర్ గా మంచి గుర్తింపు రాగా… ఇప్పుడు కాంతార సినిమాతో న‌టుడిగానూ స‌క్సెస్ అయ్యాడు.
ఇక త్వ‌ర‌లో ఎన్టీఆర్ తో కూడా రిషబ్ శెట్టి సినిమా చేసే అవ‌కాశాలు ఉన్నాయి అంటూ టాలీవుడ్‌లో వార్త‌లు చ‌క్క‌ర్లు కొడుతున్న సంగ‌తి తెలిసిందే. ఎందుకంటే రిషబ్ శెట్టి, ఎన్టీఆర్ తల్లి షాలిని ఇద్ద‌రూ కూడా క‌ర్నాక‌ట‌లోని కుందాపూర్‌కే చెందిన వాళ్లు. ఈ నేప‌థ్యంలో రిషబ్ శెట్టికి సంబంధించిన ప‌లు ఆస‌క్తిక‌ర వార్త‌లు నెట్టింట వైర‌ల్ అవుతున్నాయి. రిషబ్ శెట్టి గ‌తంలో ఓ హీరోయిన్ తో ల‌వ్ ఎఫైర్ న‌డిపిన‌ట్టు అప్ప‌ట్లో వార్త‌లు గుప్పుమ‌న్నాయి.
తెలుగు హీరోయ‌న్ అయిన హ‌రిప్రియ టాలీవుడ్ లో హీరోయిన్ గా పెద్ద‌గా గుర్తింపు సంపాదించుకోలేదు. దాంతో సాండల్ వుడ్ లో అడుగుపెట్టింది. ఇక టాలీవుడ్ తో పాటూ క‌న్న‌డ, త‌మిళ చిత్రాల‌లో న‌టించిన హీరోయిన్ హ‌రిప్రియ‌తో రిషబ్ ప్రేమాయ‌ణం న‌డుపుతున్నాడ‌ని త్వ‌ర‌లోనే వీరిద్ద‌రూ పెళ్లి కూడా చేసుకోబోతున్నారు అంటూ టాక్ వినిపించింది. రిషబ్ శెట్టి హ‌రిప్రియ‌తో క‌లిసి రిక్కీ అనే క‌న్న‌డ సినిమాలో న‌టించాడు. ఈ సినిమా షూటింగ్ ఎక్కువ భాగం కష్మీర్ లో జ‌రిగింద‌ట.
అయితే షూటింగ్ స‌మ‌యంలో వీరిద్ద‌రూ చ‌ట్టాప‌ట్టేలేసుకుని తిరిగిన‌ట్టు టాక్ వినిపించింది. అయితే ఆ త‌ర‌వాత ఏం జ‌రిగిందో కానీ వీరిద్ద‌రి గురించి వార్త‌లు ఆగిపోయాయి. అంతే కాకుండా రిషబ్ శెట్టి త‌న స్నేహితురాలు ప్ర‌గ‌తి శెట్టిని వివాహం చేసుకున్నాడు.
