ప్రస్తుతం టాలీవుడ్ సూపర్ స్టార్ మహేష్ బాబు హీరోగా నటిస్తున్న చిత్రం సర్కారు వారి పాట. స‌రిలేరు నీకెవ్వ‌రు లాంటి సూపర్ హిట్ త‌ర్వాత మహేష్ న‌టిస్తోన్న ఈ సినిమాపై లెక్క‌కు మిక్కిలిగా అంచ‌నాలు ఉన్నాయి. మహేష్ మూడు వ‌రుస హిట్ల‌తో ఫుల్‌స్వింగ్లో ఉన్నాడు. దీంతో సర్కారు వారి పాట హిట్ అయితే మహేష్ క్రేజ్ ఏ రేంజ్‌కు వెళ్లిపోతుందో ప్ర‌త్యేకంగా చెప్ప‌క్క‌ర్లేదు.
మహేష్ మ‌న‌కు సూపర్ స్టారే అయినా త‌న స్టార్ డ‌మ్‌ను ఇప్ప‌టి వ‌ర‌కు తెలుగుకు మాత్ర‌మే ప‌రిమితం చేస్తున్నాడు. ఇప్పుడు ఈ సినిమాను పాన్ ఇండియా సినిమా రేంజ్లో తీర్చిదిద్దేలా ప్లానింగ్ చేసి.. తెలుగు, త‌మిళ్‌, హిందీ మ‌ళ‌యాళం, క‌న్న‌డ భాష‌ల‌లో త‌ప్ప‌నిస‌రిగా రిలీజ్ చేసేలా చూసుకుంటున్నారు. ఇక ఈ సినిమాలో మహేష్ బాబు పక్కన మహానటి కీర్తి సురేష్ నటిస్తుంది.
ఇప్పటికే దాదాపు 70 శాతం షూటింగ్‌ను కంప్లీట్ చేసుకుంది ఈ సినిమా. ప్రస్తుతం ఈ సినిమా షూటింగ్‌ను స్పెయిన్‌లో జరిపారు. అందమైన లొకేషన్స్‌లో మహేష్ కీర్తి సురేష్ పైన డ్యూయట్స్‌ను చిత్రీకరిస్తున్నారట. ఈ ఇద్దరి కాంబో సన్నివేశాలు, అలాగే వీరిద్దరి మద్య సాగే లవ్ సన్నివేశాలు సినిమాకే హైలైట్ గా ఉంటాయి అని యూనిట్ సభ్యులు చెబుతున్నారు. ఇక ఈ సినిమా కోసం సూపర్ స్టార్ ఫ్యాన్స్ అంతా ఎంతో ఆసక్తిగా ఎదురుచూస్తున్నారు.
