ప‌వ‌ర్‌స్టార్ ప‌వ‌న్ క‌ళ్యాణ్ న‌టిస్తోన్న మోస్ట్ అవైటెడ్ మూవీ వకీల్సాబ్. బాలీవుడ్ హిట్ మూవీ పింక్ సినిమాకు రీమేక్‌గా తెర‌కెక్కుతోన్న వకీల్సాబ్. దిల్ రాజు నిర్మాణంలో వేణు శ్రీరామ్ ద‌ర్శ‌క‌త్వంలో వ‌స్తోన్న ఈ సినిమాకు సంబంధించి అదిరిపోయే అప్‌డేట్ వ‌చ్చేసింది. ఈ సినిమా బ్యాన‌ర్‌తో పాటు టెక్నిక‌ల్ టీం నిపుణులు రేపు ప‌వ‌న్ క‌ళ్యాణ్ బ‌ర్త్ డే కానుక‌గా ఉద‌యం 9 గంట‌ల 9 నిమిషాల‌కు వకీల్సాబ్ నుంచి అదిరిపోయే అప్‌డేట్ ఉంటుంద‌ని ఊరిస్తున్నారు.
ఇక ఈ అప్‌డేట్ వ‌చ్చిందో లేదో వెంట‌నే ప‌వ‌న్ క‌ళ్యాణ్ ఫ్యాన్స్ జాత‌ర‌కు రెడీ కండి అని సోష‌ల్ మీడియాలో వ‌కీల్‌సాబ్‌ను ఓ రేంజ్‌లో ట్రెండింగ్ చేస్తున్నారు. అయితే ఈ అదిరిపోయే అప్‌డేట్ ఏంట‌న్న‌ది మాత్రం ప్ర‌స్తుతానికి స‌స్పెన్స్‌లో పెట్ట‌డంతో అది ఏంట‌నేదానిపై ఎవ‌రికి వారు త‌మ‌కు తోచిన‌ట్టుగా ట్రెండ్ చేస్తున్నారు.
బాలీవుడ్ హిట్ మూవీ పింక్‌కు రీమేక్‌గా వ‌స్తోన్న ఈ సినిమాలో నివేతా థామస్ మరియు అంజలిలు కీ రోల్స్ చేస్తున్నారు. థ‌మ‌న్ స్వ‌రాలు అందిస్తున్నారు. ఇక ప‌వ‌న్ బ‌ర్త్ డే సంద‌ర్భంగా ప‌వ‌న్ ఫ్యాన్స్ సోష‌ల్ మీడియాను ఓ ఊపు ఊపేస్తున్నారు.
