అన్లాక్–4లో భాగంగా ప్రకటించిన విధంగా శనివారం నుంచి ప్ర‌త్యేక రైళ్లు ప్రారంభం కానున్నాయి. ఇక ప్ర‌స్తుతం న‌డుస్తోన్న రైళ్ల‌లో సైతం కోవిడ్ నిబంధ‌న‌లు పాటించాలి. కోవిడ్ క‌ట్ట‌డిలో భాగంగా కేంద్ర ఆరోగ్య సంక్షేమ శాఖ, హోం మినిస్ట్రీ సూచించిన ఈ నియమాలను కచ్చితంగా పాటించాల్సి ఉంది. ఈ నిబంధ‌న‌లు ఇలా ఉన్నాయి..
– కేవ‌లం క‌న్ఫార్మ్ టిక్కెట్లు ఉన్న ప్ర‌యాణికులను మాత్ర‌మే రైలు ఎక్కేందుకు స్టేష‌న్‌లోకి అనుమ‌తి ఇస్తారు.
– ప్ర‌యాణికులు రైలు ఎక్కేట‌ప్పుడు ఖ‌చ్చితంగా మాస్క్‌తో పాటు ఫేస్‌ షీల్డ్‌ ఉపయోగించాలి.
– ఇక ధ‌ర్మ‌ల్ స్క్రీనింగ్ త‌ప్ప‌ని స‌రికావ‌డంతో ముందుగా స్టేష‌న్‌కు చేరుకుని.. క‌రోనా ల‌క్ష‌ణాలు లేవ‌ని డిసైడ్ అయ్యాకే ప్ర‌యాణానికి అనుమ‌తి ఇస్తారు.
– ఇక ప్ర‌తి ఒక్క‌రు స్టేష‌న్ల‌లో గ్యాప్ పాటిస్తూ భౌతిక దూరం పాటించాలి. గ‌మ్య‌స్థానాల‌కు వెళ్లాక రాష్ట్రాలు, కేంద్ర పాలిత ప్రాంతాల హెల్త్ ప్రొటోకాల్ త‌ప్ప‌నిస‌రిగా పాటించాలి. ఇక ప్ర‌యాణికులు ప్ర‌యాణం చేసేట‌ప్పుడు త‌మ సొంత బ్లాంకెట్స్ వెంట తెచ్చుకోవాలి.
