యంగ్‌రెబ‌ల్ స్టార్ ప్రభాస్ త‌న తండ్రి స్మార‌కంగా తెలంగాణ రాష్ట్ర ప‌రిధిలో ఉన్న ఖాజీప‌ల్లి అర్బ‌న్ ఫారెస్ట్ దత్తత తీసుకున్నాడు. ఔట్ రింగ్ రోడ్డుకు ప‌క్క‌నే 1650 ఎక‌రాల విస్తీర్ణంలో ఈ అట‌వీ భూమి ఉంది. దీనిని అభివృద్ధి చేసేందుకు ప్రభాస్ ప్రాధ‌మికంగా రు. 2 కోట్లు ఖ‌ర్చు చేయాల‌ని నిర్ణ‌యించుకున్నాడ‌ట. అవ‌స‌రాన్ని బ‌ట్టి ఈ ఖ‌ర్చు పెరిగినా భ‌రించేందుకు ప్రభాస్ రెడీగానే ఉన్నాడ‌ట. ఇక ఈ అభివృద్ధి ప‌నుల‌కు సంబంధించి సోమ‌వారం శంకుస్తాప‌న కార్య‌క్ర‌మం కూడా పూర్త‌య్యింది.
తెలంగాణలో గ‌త కొంత కాలంగా గ్రీన్ ఛాలెంజ్ పేరుతో రాజ్య‌స‌భ స‌భ్యుడు సంతోష్‌కుమార్ ఓ య‌జ్ఞాన్ని నిర్వ‌హిస్తున్నాడు. ఈ కార్య‌క్ర‌మంలో ఎంతో మంది పాల్గొంటున్నారు. ఈ క్ర‌మంలోనే సంతోష్ చొర‌వ‌తోనే ప్రభాస్ ఈ దత్తత కార్య‌క్ర‌మం తీసుకున్నాడ‌ట. ఈ ప్రారంభ కార్య‌క్ర‌మంలో తెలంగాణ మంత్రి ఇంద్ర‌క‌ర‌ణ్ రెడ్డి త‌దిత‌రులు పాల్గొన్నారు.
