యంగ్‌రెబ‌ల్ స్టార్ ప్రభాస్ ప్ర‌స్తుతం న‌టిస్తోన్ రాధేశ్యామ్ కంప్లీట్ అయిన వెంట‌నే నాగ్ అశ్విన్ తెర‌కెక్కించే సైన్స్ ఫిక్ష‌న్ సినిమాలో న‌టిస్తాడు. ఈ సినిమా త‌ర్వాత బాలీవుడ్ ద‌ర్శ‌కుడు ఓం రౌత్ ద‌ర్శ‌క‌త్వంలో తెర‌కెక్కే ఆదిపురుష్ సినిమాలో న‌టించ‌నున్నాడు. రామాయ‌ణంలోని ఓ క‌థ‌ను ఆథారంగా చేసుకుని ఈ సినిమా తెర‌కెక్కుతోంది. బాలీవుడ్ లో అజయ్ దేవగన్ హీరోగా తెరకెక్కిన తన్హాజీ సినిమాను ఓం రౌత్ తెర‌కెక్కించాడు. ఇక ఇప్పుడు హిందువుల ఆరాధ్యదైవం శ్రీరాముడి జీవిత క‌థ ఆధారంగా తెర‌కెక్కే ఈ సినిమాలో ప్రభాస్ రాముడు గా నటిస్తుండగా ప్రముఖ బాలీవుడ్ నటుడు సైఫ్ అలీ ఖాన్ లంక రావ‌ణుడు అయిన లంకేశ్ పాత్రలో కనిపించనున్నాడు.
ఇక ఈ సినిమా బ‌డ్జెట్‌కు సంబంధించి ఆస‌క్తిక‌ర‌మైన వార్త ఒక‌టి బాలీవుడ్ వ‌ర్గాల్లో వినిపిస్తోంది. టీ సీరిస్ అధినేత, ప్రముఖ నిర్మాత భూషణ్ కుమార్ ఎంతో గ్రాండ్ లెవల్లో నిర్మిస్తున్న ఈ సినిమా ఖర్చు దాదాపుగా రూ. 700 కోట్ల నుంచి రూ. 1000 కోట్ల రూపాయల వరకు ఉంటుందని అంచనా వేస్తున్నారు. అత్యున్న‌త సాంకేతిక విలువ‌ల‌తో తెర‌కెక్కించే సినిమాలు విజువ‌ల్ ఎఫెక్ట్స్‌, గ్రాఫిక్స్ విష‌యంలో నిర్మాత‌లు ఎక్క‌డా కాంప్ర‌మైజ్ కావ‌డం లేదు. ఈ సినిమా థియేట‌ర్లలోకి వ‌చ్చే స‌రికి మ‌రో నాలుగేళ్లు ప‌ట్టే అవ‌కాశాలు ఉన్నాయి. భార‌త‌దేశ చ‌రిత్ర‌లోనే ఇప్ప‌టి వరకు ఏ సినిమా కూడా రు. 1000 కోట్ల బ‌డ్జెట్‌తో తెర‌కెక్క‌డం లేద‌ని అంటున్నారు. మ‌రి ఈ సినిమా రేపు సెట్స్ మీద‌కు వెళ్లే స‌రికే ఇంకెన్ని సంచ‌ల‌నాలు క్రియేట్ చేస్తుందో ? చూడాలి.
