స్వీటీ బ్యూటీ అనుష్క – మాధవన్ కాంబినేషన్ లో తెర‌కెక్కిన అనుష్క సినిమా ఓటీటీ ఎంట్రీకి రంగం సిద్ధ‌మైంది. ఈ సినిమాను అమోజాన్ ప్రైమ్‌కు ఇవ్వ‌డానికి మ‌రో అడుగు ముందు ప‌డింది. అక్టోబ‌ర్ 10 లేదా 17న ఈ సినిమా రిలీజ్ చేసేందుకు అమోజాన్ ప్రైమ్ రెడీ అవుతోన్న‌ట్టు ఇండ‌స్ట్రీ వ‌ర్గాలు చెపుతున్నాయి. సాధార‌ణంగా శుక్ర‌వారం అర్ధ‌రాత్రి సినిమాను అప్‌లోడ్ చేస్తారు.
వాస్త‌వానికి నిశ్శ‌బ్దం వి సినిమా కంటే ముందే రిలీజ్ కావాల్సి ఉంది. అయితే గ్రాఫిక్స్‌, సీజీ వ‌ర్క్ డిలే అవ్వడంతో వాయిదా ప‌డింది. ఇక ఇప్పుడు అమెజాన్ పత్రినిధులు, అనుష్క, నిర్మాతలు అంతా ఫైనల్ కాపీ చూసుకున్నాక, డీల్ ఫైనల్ అయిన‌ట్టు భోగ‌ట్టా. ఏదేమైనా చాలా రోజుల త‌ర్వాత అనుష్క న‌టించిన సినిమా రిలీజ్ అవుతుండ‌డంతో ఆమె ఫ్యాన్స్ మొత్తానికి ఫుల్ ఖుషీ అవుతున్నారు. ఇక ముందు కొత్త ట్రైల‌ర్ రిలీజ్ చేసిన వెంట‌నే రిలీజ్ డేట్ ఎనౌన్స్ చేయ‌నున్నారు.
