నేచుర‌ల్ స్టార్ నాని – సుధీర్‌బాబు కాంబినేష‌న్లో తెర‌కెక్కిన వీ సినిమా ఇప్ప‌టికే టీజ‌ర్లు, ట్రైల‌ర్ల‌తో ఆక‌ట్టుకుంది. అదితిరావు హైద‌రీ, నివేధా థామ‌స్ జంట‌గా న‌టించిన ఈ సినిమా ఓ స‌స్పెన్స్ క్రైం థ్రిల్ల‌ర్‌గా తెర‌కెక్కిన సంగతి తెలిసిందే. విభిన్న సినిమాల‌తో మంచి పేరు తెచ్చుకున్న మోహ‌న్‌కృష్ణ ఇంద్ర‌గంటి ఈ సినిమాను డైరెక్ట్ చేస్తున్నారు. లాక్‌డౌన్ వ‌ల్ల సినిమాల‌కు మొఖం వాచి ఉన్న తెలుగు ప్రేక్ష‌కులు వీ కోసం ఎంతో ఆస‌క్తితో వెయిట్ చేస్తున్నారు.
ఎప్పుడో మార్చి 25న రావాల్సిన ఈ సినిమా వాయిదా ప‌డి ఎట్ట‌కేల‌కు డిజిట‌ల్ ప్లాట్ ఫామ్‌లో రిలీజ్ అవుతోంది. ఇక ఈ సినిమా ప్ర‌మోష‌న్లు కూడా సోష‌ల్ మీడియాలో జోరుగా జ‌రుగుతున్నాయి. లేటెస్ట్ అప్డేట్ ప్ర‌కారం ఈ సినిమా రిలీజ్ డేట్ మారింది. ముందుగా సెప్టెంబర్ 5వ తేదీన అమోజాన్ ప్రైమ్‌లో సినిమా రిలీజ్ చేయాల‌నుకున్నారు. ఆ రోజు నుంచి డిజిట‌ల్ ప్రీమ‌య‌ర్‌గా వ‌దిలే ప్ర‌ణాళిక‌లు వేసుకున్నారు.
ఇక కొత్త డేట్ ప్ర‌కారం ఒక రోజు ముందే నాని వీ డిజిట‌ల్ ప్లాట్ ఫామ్‌లోకి రానుంది. సెప్టెంబర్ 4 వ తారీఖు రాత్రి 9 గంటల 30 నిమిషాల నుంచే స్ట్రీమింగ్ కు రానున్నట్టుగా తెలుస్తుంది. 4వ తేదీ రాత్రి నుంచే నాని అభిమానులే కాకుండా…. తెలుగు సినీ ల‌వ‌ర్స్ అంద‌రూ పండ‌గ చేస్కోవ‌చ్చ‌న్న మాట.
