మెగాస్టార్ చిరంజీవి రీ ఎంట్రీ ఇచ్చాక వ‌రుస పెట్టి సినిమాలు చేస్తున్నారు. సైరా న‌ర‌సింహారెడ్డి సినిమా త‌ర్వాత ప్ర‌స్తుతం కొర‌టాల శివ ద‌ర్శ‌క‌త్వంలో తెర‌కెక్కుతోన్న ఆచార్య సినిమా చేస్తున్నాడు. ఈ సినిమా త‌ర్వాత మెగాస్టార్ కోలీవుడ్ హిట్ మూవీ వేదాళం రీమేక్‌ను చేస్తున్నార‌ట. కోలీవుడ్‌లో త‌ల అజిత్ హీరోగా శివ ద‌ర్శ‌క‌త్వంలో ఈ సినిమా తెర‌కెక్కి సూప‌ర్ హిట్ అయ్యింది. ఈ సినిమాకు మెహ‌ర్ ర‌మేష్ డైరెక్ట‌ర్ అని టాక్‌..?
ఈ సినిమా క‌థ‌ను తెలుగు నేటివిటికి అనుగుణంగా మార్పులు, చేర్పులు చేసే ప‌నిలో మెహ‌ర్ బిజీగా ఉన్నాడ‌ని.. అల్లు అర‌వింద్ ఈ సినిమాను నిర్మిస్తాడ‌ని వార్త‌లు వ‌స్తున్నాయి. ఈ సినిమాలో హీరోయిన్‌గా ఫిదా ఫేం సాయి ప‌ల్ల‌విని అడుగుతున్నార‌ట. సాయి ప‌ల్ల‌వి ఇప్పుడున్న స్టార్ సీనియ‌ర్ హీరోల ప‌క్క‌న న‌టించేందుకు నో చెపుతోంది.
ఆమె ఎక్కువుగా కుర్ర హీరోల ప‌క్క‌న న‌టించేందుకే ఓకే చెపుతోంది. మ‌రి ఈ టైంలో చిరంజీవి ప‌క్క‌న వ‌చ్చిన ఛాన్స్‌ను ఆమె ఒప్పుకుంటుందా ? లేదా నో చెపుతుందా ? అన్న‌ది చూడాలి. ఏదేమైనా మెగాబ్ర‌ద‌ర్ నాగ‌బాబు కుమారుడు వ‌రుణ్ ప‌క్క‌న ఫిదాలో న‌టించి ఫిదా చేసిన ఈ అమ్మ‌డికి ఇప్పుడు ఏకంగా వ‌రుణ్ పెద‌నాన్న ప‌క్క‌న ఛాన్స్ అంటే మామూలు విష‌యం కాదు.
