తెలుగు బుల్లితెర పాపుల‌ర్ రియాల్టీ షో బిగ్‌బాస్ 4 ఇప్ప‌టికే మూడు రోజులు కంప్లీట్ చేసుకుంది. తొలి వారం ఎలిమినేష‌న్లో గంగవ్వ, సూర్య కిరణ్, అభిజిత్, మెహబూబ్, సుజాత, దివి, అఖిల్ నామినేషన్స్ లో ఉన్నారు. నామినేష‌న్స్‌లో ఉన్న ఏడుగురిలో ఎవ‌రు సేవ్ అవుతారు ? ఎవ‌రు బ‌య‌ట‌కు వెళ‌తారు ? అన్న దానిపై ఇప్ప‌టికే ఆస‌క్తిక‌ర చ‌ర్చ‌లు న‌డుస్తున్నాయి. ఇక ఎలిమినేష‌న్లో ఉన్న వారిలో సూర్య కిరణ్, మెహబూబ్, అఖిల్ ఈ ముగ్గురి పేర్లు అవుట్ లిస్టులో బాగా వినిపిస్తున్నాయి. డైరక్టర్ సూర్య కిరణ్ అవతల వాళ్ళకు మాట్లాడే ఛాన్స్ ఇవ్వకుండా మధ్యలో దూరేస్తున్నాడ‌న్న కంప్లెంట్స్ ఎక్కువ ఉన్నాయి.
ఇక తాను డైరెక్ట‌ర్‌ను కాబ‌ట్టి అంతా త‌న‌కే తెలుసు అన్న ఫీలింగ్‌లో ఆయ‌న ఉన్నాడ‌న్న భావ‌న ఆడియెన్స్‌లో ఉంది. ఇక మెహబూబ్ మూడు రోజుల్లో స్క్రీన్ మీద ఎక్క‌డా క‌న‌ప‌డ‌డం లేదు. అస‌లు అత‌డు హౌస్‌లో ఉన్నాడా ? అన్న ఫీలింగ్ ఎక్కువ మందిలో ఉంది. దీంతో ఎలిమినేష‌న్లో సూర్య కిరణ్, మెహబూబ్ దిల్ సే కూడా ఖ‌చ్చితంగా ఉండే ఛాన్సులు ఉన్నాయి. ఇక అఖిల్ చాలా మంది ఆడియెన్స్‌కు తెలియ‌ని ఫేస్‌. ఇది కూడా అత‌డికి మైన‌స్ కానుంది. మ‌రి ఈ ముగ్గురిలో ఎవ‌రు ఈ సారి హౌస్ నుంచి బ‌య‌ట‌కు వెళ‌తారు ? సేఫ్ అయ్యే ఆ ఇద్ద‌రు ఎవ‌రో చూడాలి.
