దివంగ‌త బాలీవుడ్ హీరో సుశాంత్ సింగ్ రాజ్‌పుత్ ఆత్మహత్య కేసులో సీబీఐ దర్యాప్తు వేగవంతం చేసింది. ఈ కేసులో ఇప్ప‌టికే సుశాంత్ ప్రియురాలు రియా చ‌క్ర‌వ‌ర్తిని సీబీఐ అధికారులు రెండు రోజులుగా విచారిస్తున్నారు. రియాను సీబీఐ సోమ‌వారం కూడా విచారించ‌నుంది. ఈ కేసులో స‌రికొత్త అనుమానాలు త‌లెత్తుతున్నాయి. నిన్న‌టి వ‌ర‌కు సుశాంత్‌ది ఆత్మహత్య అని చాలా మంది అనుకున్నా కొంద‌రు మాత్రం ఇది హ‌త్యే అంటూ సందేహాలు లేవ‌నెత్తారు.
ఈ క్ర‌మంలోనే ఇప్పుడు ఈ కేసులో ఓ ప్ర‌త్య‌క్ష సాక్షి మాత్రం సుశాంత్‌ను హ‌త్య చేసి ఆత్మ‌హ‌త్య‌గా చిత్రీక‌రిస్తున్నార‌ని చెపుతుండ‌డంతో చాలా సందేహాలు క‌లుగుతున్నాయి. సుశాంత్ డెడ్ బాడీని తీసుకువెళ్లిన కూప‌ర్ ఆసుప‌త్రికి చెందిన సిబ్బంది ఒక‌రు ఈ విష‌యాల‌ను జాతీయ మీడియాకు చెప్పిన‌ట్టుగా స‌మాచారం. సుశాంత్ మృతి త‌ర్వాత కూప‌ర్ ఆసుప‌త్రికి తీసుకు వెళ్లిన వైద్యులు సుశాంత్‌ది ఆత్మహత్య కాద‌ని.. హ‌త్యే అని చెప్పిన‌ట్టు స‌ద‌రు సాక్షి తెలిపారు.
ఇక సుశాంత్ ఆత్మహత్య చేసుకుంటే అత‌డి నాలుక బ‌య‌ట‌కు రావ‌డంతో పాటు మ‌ల, మూత్రాలు కూడా బ‌య‌కు వ‌స్తాయ‌ని కాని సుశాంత్‌లో అత‌డి ల‌క్ష‌ణాలు ఏవీ క‌నిపించ‌లేద‌ని ఆ ప్ర‌త్య‌క్ష సాక్షి చెప్పిన‌ట్టు స‌మాచారం. ఇక సుశాంత్ కాలు ఒక‌టి స‌న్న‌గాను… మ‌రొక‌టి లావుగా ఉన్న విష‌యం కూడా తాను చూశాన‌ని… ఈ విష‌యాలు ఎవ‌రికి అయినా చెపితే తాన‌ను చంపేస్తాన‌ని బ‌య‌ప‌డి చెప్ప‌లేద‌ని స‌ద‌రు సాక్షి చెప్పిన‌ట్టు స‌మాచారం. ఏదేమైనా ఈ విష‌యాలు బ‌య‌ట‌కు రావ‌డంతో ఇప్పుడు సుశాంత్ మృతి విష‌యంలో లెక్క‌లేన‌న్ని సందేహాలు బ‌య‌ట‌కు వ‌స్తున్నాయి.
