యంగ్‌టైగ‌ర్ ఎన్టీఆర్ గ‌తంలో వ‌రుస ప్లాపుల్లో ఉన్న‌ప్పుడు య‌మ‌దొంగ సినిమాతో ప్రేక్ష‌కుల ముందుకు వ‌చ్చి హిట్ కొట్టాడు. రాజ‌మౌళి ద‌ర్శ‌క‌త్వంలో వ‌చ్చిన ఈ సినిమా ద్వారా సరికొత్త ఎన్టీఆర్ ఆవిష్కృతం అయ్యాడు. ఎన్టీఆర్ యంగ్ య‌ముడిగా తెర‌పై విశ్వ‌రూపం చూపించాడు. ఈ సినిమాలో ఎన్టీఆర్ పక్కన ప్రియ‌మ‌ణి, మ‌మ‌తా మోహ‌న్‌దాస్ హీరోయిన్లుగా న‌టించారు. ఈ సినిమాలో క‌లెక్ష‌న్ కింగ్ మోహ‌న్‌బాబు సైతం ఓ కీల‌క పాత్ర‌లో న‌టించాడు.
ఈ సినిమాలో హీరోయిన్‌గా రాజ‌మౌళి ముందుగా కాజ‌ల్‌ను తీసుకోవాల‌ని అనుకున్నాడ‌ట. అయితే మోహ‌న్‌బాబు వ‌ల్లే ఆమెకు ఈ సినిమా ఛాన్స్ మిస్ అయ్యింద‌న్న గుస‌గుస‌లు ఇండ‌స్ట్రీలో ఉన్నాయి. ఇందుకు కార‌ణం ఏంటంటే అంత‌కు ముందే మోహ‌న్‌బాబు పెద్ద కుమారుడు విష్ణు సినిమాలో న‌టించ‌మ‌ని కాజ‌ల్‌ను అడిగితే ఆమె తిర‌స్క‌రించింద‌ట. దీంతో మోహ‌న్‌బాబు ఈ సినిమాలో కాజ‌ల్ ఉంటే తాను న‌టించ‌న‌ని ఖ‌రాఖండీగా చెప్పేయ‌డంతో చివ‌ర‌కు రాజ‌మౌళి మోహ‌న్‌బాబును నొప్పించ‌డం ఇష్టంలేక ప్రియ‌మ‌ణిని తీసుకున్నార‌ట.
ఆ త‌ర్వాత అదే రాజ‌మౌళి కాజ‌ల్‌ను మ‌గ‌ధీర సినిమాలో తీసుకోగా… ఆ సినిమా సూప‌ర్ డూప‌ర్ హిట్ అవ్వ‌డంతో పాటు ఆ సినిమాలో చేసిన మిత్ర‌వింద పాత్ర ఆమె కెర‌ర్‌లోనే చిర‌స్థాయిగా నిలిచిపోయింది.
