నట సార్వభౌమ నందమూరి తారక రామారావు జీవిత చరిత్ర ఆధారంగా ఆయన కుమారుడు బాలయ్య నిర్మిస్తున్న ఎన్టీఆర్ బయోపిక్ క్రిష్ డైరెక్షన్ లో వెండి తెరమీదకు వచ్చేందుకు సిద్ధమవుతోంది. ఇప్పటికే చాలావరకు ఈ సినిమా షూటింగ్ పూర్తి చేసుకుంది. సంక్రాంతి కానుకగా వస్తున్న ఈ సినిమా అప్పుడే ప్రీ రిలీజ్ బిజినెస్ కూడా స్టార్ట్ చేసింది. ఈ చిత్రంపై భారీ అంచనాలు ఉండటంతో బిజినెస్ బాగా జరిగే అవకాశం ఉందని నిర్మాతలు భావిస్తున్నారు. అందుకే ఈ చిత్రాన్ని రెండు భాగాలుగా విడుదల చేయాలని చూస్తున్నారు. ఎన్టీఆర్ కథానాయకుడు ఎన్టీఆర్ మహానాయకుడు విడుదల చేయబోతున్నారు.
ఓవర్‌సీస్‌లో ఈ సినిమా దాదాపు 20 కోట్లు పలికినట్టుగా తెలుస్తోంది. అయితే ఇంత ఎమౌంట్‌ను ఈ సినిమా వసూల్ చేయగలదా అనే అనుమానాలు కలుగుతున్నాయి.
ఇది భారీ రికార్డు గానే చెప్పాలి. సంక్రాంతి బరిలో ఈ సినిమా ఉండబోతుంది కనుక కలెక్షన్లకు డోకా ఉండదని బయలు బయ్యర్లు ధీమాగా ఉన్నారు. ఈ సినిమా విడుదల కాకముందే రికార్డులు సృష్టిస్తుంటే ఇక విడుదలయ్యాక ఎటువంటి రికార్డులు సృష్టిస్తుందో చూడాలి. అన్నట్టు ఈ సినిమాలో ఎన్టీఆర్‌గా బాలయ్య, చంద్రబాబు పాత్రలో రానా కనిపిస్తుండగా… ఎన్టీఆర్ సతీమణి బసవ తారకం పాత్రలో విద్యాబాలన్‌ నటిస్తున్నారు.
