టాలీవుడ్ సీనియర్ హీరోయిన్ స్వీటీ బ్యూటీ అనుష్క – కుర్ర హీరో నవీన్ పోలిశెట్టి జంటగా నటించిన మిస్ శెట్టి.. మిస్టర్ పోలిశెట్టి సినిమా వచ్చే నెలలో ప్రేక్షకుల ముందుకు రానున్న సంగతి తెలిసిందే. తాజాగా రిలీజ్ అయిన ట్రైలర్ కూడా సినిమాపై అంచనాలు పెంచేలా చేసింది. దాదాపు మూడు సంవత్సరాల తర్వాత అనుష్క మళ్ళీ వెండి తెరపై కనిపించిన సినిమా కావడంతో అనుష్క అభిమానులతో పాటు సగటు సినీ అభిమానులలో ఈ సినిమాపై అంచనాలు ఉన్నాయి.
మామూలుగా సైజ్ జీరో సినిమా టైమ్ కి అనుష్క బాగా లావు ఎక్కిపోయింది. ఆమె ఫేసులో మునుప‌టి గ్లామర్… ఆ ఛార్మింగ్ కూడా తగ్గిపోయింది. ఇక ప్రస్తుతం ఆమె నవీన్ పోలిశెట్టి జంటగా నటిస్తున్న మిస్ శెట్టి రిలీజ్ వేళ ఆమె త‌న‌కంటే వ‌య‌స్సులో చాలా చిన్నోడు అయిన న‌వీన్‌తో జోడీగా న‌టిస్తుండ‌డంపై సోష‌ల్ మీడియాలో పెద్ద ఎత్తున చ‌ర్చ న‌డుస్తోంది.
అనుష్క పుట్టిన తేదీ 7 నవంబర్, 1981 కాగా.. ఆమె వయస్సు 41 సంవత్సరాలు.. ఇక నవీన్ పుట్టిన తేదీ: 27 డిసెంబర్, 1989.. నవీన్ వయస్సు 33 సంవత్సరాలు.. అంటే ఇద్ద‌రి మ‌ధ్య వ‌య‌స్సులో 8 సంవత్సరాలు తేడా..! అంటే త‌క‌నంటే 8 ఏళ్ల చిన్నోడు అయిన న‌వీన్‌తో రేపు సినిమాలో ఆమె రొమాన్స్ ఎలా ఉండ‌బోతోంది.. అస‌లే అనుష్క గ్లామర్ త‌గ్గింది.. రేప‌టి రోజు న‌వీన్‌తో ఆమె రోమాన్స్ చూసేలా ఉంటుందా ? లేదా ఎబ్బెట్టుగా ఉంటుందా ? అన్న‌ది ఒక్క‌టే చ‌ర్చ న‌డుస్తోంది.
