నందమూరి నటసింహం బాలకృష్ణ గురించి ఇక్కడ ప్రత్యేకంగా చెప్పాల్సిన పనిలేదు. అదేవిధంగా దివంగత అందాల నటి సౌందర్య గురించి కూడా పరిచయం అవసరం లేదు. ఇక వీరి కాంబినేషన్లో వచ్చిన టాప్ హీరో సినిమా బాక్సాఫీస్ వద్ద బోల్తా కొట్టింది. ఆ తర్వాత బాలయ్య, సౌందర్య కాంబోలో నర్తనశాల సినిమా పట్టాలెక్కినా ఆ సిసినిమా ఎందుకనో మధ్యలోనే ఆగిపోయింది. ఇక ఆ తరువాత మళ్లీ బాలయ్యతో సౌందర్యతో జోడీగా కట్టలేదు. కానీ, వీరిద్దరి కాంబోలో రావాలనుకున్న ఓ సినిమా మాత్రం మిస్ అయింది. ఆ సినిమా మిస్ కావడానికి కారణం మాత్రం సౌందర్య అని భోగట్టా.
ఇంతకీ ఆ సినిమా ఏమిటంటే చెన్నకేశవరెడ్డి. వి.వి.వినాయక్ దర్శకత్వం వహించిన ఈ చిత్రంలో బాలకృష్ణ తండ్రీకొడుకులుగా ద్విపాత్రాభినయం చేసిన సంగతి విదితమే. టబు, శ్రియా ఇందులో హీరోయిన్లుగా నటించారు. శ్రీ సాయి గణేష్ ప్రొడక్షన్స్ బ్యానర్ పై బెల్లంకొండ సురేష్ ఈ చిత్రాన్ని నిర్మించగా రాయలసీమ ఫ్యాక్షన్ వేపధ్యంలో రూపుదిద్దుకున్న ఈ చిత్రం 2002లో విడుదలై అభిమానులను ఖుషి చేసింది. అయితే బక్షాఫీస్ వద్ద మాత్రం అనుకున్న స్థాయిలో రాణించలేదు.
ఈ విడుదలై ఇరవై ఏళ్లు అయిన సందర్భంగా మొన్నటికి మొన్న చెన్నకేశవరెడ్డిని రీ రిలీజ్ చేసిన సంగతి అందరికీ తెలిసినదే. అయితే రీ రిలీజ్ లో ఈ మూవీ పెను దుమారం రేపింది. అయితే చాలా మందికి తెలియని విషయం ఏంటంటే.. ఈ సినిమాలో ఒక హీరోయిన్ గా సౌందర్య నటించాల్సిందట. తండ్రి పాత్రలో నటించిన బాలకృష్ణకు జోడిగా సౌందర్యనే మొదట అనుకున్నారట. అయితే కథ విన్న సౌందర్య వెంటనే నో చెప్పిందట. ఎందుకంటే, ఈ సినిమాలో బాలయ్య భార్యగానే కాదు తల్లిగా కూడా కనిపించాల్సి ఉంటుంది. అందుకే బాలయ్యతో చస్తే అలా చేయ్యనని సౌందర్య తెగేసి చెప్పిందని సమాచారం. విషయం ఏమంటే కెరీర్ పీక్స్ లో ఉన్నప్పుడు తల్లి పాత్రలు చేస్తే ఆ తరువాత కూడా అదే తరహా పాత్రలు వస్తాయని సౌందర్య భావించిందట. అది అస్సలు మేటర్.
