యాంగ్ టైగర్ ఎన్టీఆర్ ‘జై లవకుశ’ సినిమాతో ఇటీవలే ఘన విజయాన్ని అందుకున్న విషయం తెలిసిందే. ఎన్టీఆర్ తన తదుపరి చిత్రానికి కొబ్బరికాయ కూడా కొట్టేశారు. త్రివిక్రమ్ దర్శకత్వం వహించబోతున్న ఈ చిత్రం వచ్చే యేడాది సెట్స్‌పైకి వెళ్లనుంది.షూటింగ్ మొదలయ్యే లోపు ఎన్టీఆర్ ఈ చిత్రం లోని పాత్రకి తగిన విధంగా తనని తాను మార్చుకోనున్నారని సమాచారం. అయితే ఆ సినిమా షూటింగ్ స్టార్ట్ కావటానికి సుమారు రెండు నెలలకిపైగా సమయం ఉంది కావున ఎన్టీఆర్ తదుపరి చిత్రాల కోసం మరికొన్ని కథలు వీనే ఆలోచనలో ఉన్నారట.
ఎన్టీఆర్ కోసం ఓ ప్రముఖ నిర్మాణ సంస్థ ఓ కుటుంబ కథని సిద్ధం చేసినట్టు సమాచారం. ఈ యేడాది ఆరంభంలోనే ఓ కుటుంబ కథని తీసి మంచి విజయాన్ని అందుకున్న ఆ దర్శకుడే మళ్ళి అదే తరహా చిత్రాన్ని తీసే ఆలోచనలో ఉన్నారని సమాచారం. అన్నీ కుదిరితే వీరి కాంబినేషన్ లో త్వరలో ఓ చిత్రం ప్రారంభమయ్యే అవకాశాలు ఉన్నాయని ఇండస్ట్రీ వర్గాల సమాచారం.
