టాలీవుడ్ యంగ్ టైగర్ ఎన్టీఆర్ ఫ్యాన్స్‌కు ఓ బంప‌ర్ ఆఫర్ వ‌చ్చేసింది. ఇది ఓన్లీ తార‌క్ ఫ్యాన్స్‌కు మాత్ర‌మే వ‌చ్చిన ఆఫర్? జీ 5 వాళ్లు ఈ ఆఫర్ ఇచ్చారు. అస‌లు విష‌యంలోకి వెళితే ఎన్టీఆర్ – మాటల మాంత్రికుడు త్రివిక్రమ్ శ్రీనివాస్ దర్శకత్వంలో హారికా హాసిని క్రియేషన్స్ బ్యానర్లో అర‌వింద స‌మేత వీర‌రాఘ‌వ సినిమా తెర‌కెక్కింది. 2018 చివ‌ర్లో వ‌చ్చిన ఈ సినిమా ఎన్టీఆర్ కెరీర్‌లో వ‌రుస‌గా ఐదో హిట్ సినిమాగా నిలిచింది.
త్రివిక్రమ్ త‌న స్టైల్‌కు భిన్నంగా ఫ్యాక్ష‌న్ క‌థ‌ను ఎంచుకుని.. ఎమోష‌న‌ల్‌గా తెర‌కెక్కించి మ‌రీ హిట్ కొట్టాడు. ఎన్టీఆర్‌కు జోడీగా పూజాహెగ్డే న‌టించింది. పూజా అందంతో పాటు ఎన్టీఆర్ ఎమోష‌న‌ల్ యాక్టింగ్‌, పాట‌లు, డైలాగులు, త్రివిక్రమ్ టేకింగ్‌, డైలాగులు ఇవ‌న్నీ ఈ భారీ మాస్ యాక్ష‌న్ సినిమాను సూప‌ర్ హిట్ చేశాయి. ఇటు బుల్లితెర‌పై ఫ‌స్ట్ టెలికాస్ట్ అయిన‌ప్పుడు కూడా 18 రేటింగ్ కంటే ఎక్కువే తెచ్చుకుని ఇక్క‌డ కూడా రికార్డు క్రియేట్ చేసింది.
ఇక ఈ సినిమా ఎప్ప‌టి నుంచో జీ 5 ద్వారా బుల్లితెర ఆడియెన్స్‌కు అందుబాటులో ఉంది. అయితే డిసెంబ‌ర్ 16 నుంచి జ‌న‌వ‌రి 5వ తేదీ వ‌ర‌కు ఈ సినిమాను ఫ్రీగా చూసే ఛాన్స్‌ను ఎన్టీఆర్‌కు ఫ్యాన్స్‌కు జీ 5 క‌ల్పించింది. అస‌లే సంక్రాంతి సీజ‌న్ కావ‌డంతో ఈ సినిమాను జీ 5లో ఎన్టీఆర్ ఫ్యాన్స్‌తో పాటు అంద‌రూ ఈ సినిమాను ప్రీగా చూసి ఎంజాయ్ చేయొచ్చు.
ఇక ఎన్టీఆర్ ఈ యేడాది త్రిబుల్ ఆర్ లాంటి భారీ పాన్ ఇండియా సినిమాతో సూప‌ర్ హిట్ త‌న ఖాతాలో వేసుకున్నాడు. ఈ సినిమాతో ఎన్టీఆర్‌కు పాన్ ఇండియా ఇమేజ్ వ‌చ్చేసింది. ఇప్పుడు కొర‌టాల శివ సినిమాతో పాటు ప్ర‌శాంత్ నీల్ ద‌ర్శ‌క‌త్వాల్లో రెండు పాన్ ఇండియా ప్రాజెక్టుల్లో న‌టిస్తోన్న సంగతి తెలిసిందే.
